Tags-Shaam

us kī yādoñ ne ugā rakkhe haiñ sūraj itne
shaam kā vaqt bhī aa.e to sahar lagtā hai

terī qurbat ke ye lamhe use raas aa.eñ kyā
sub.h hone kā jise shaam se Dar lagtā hai

havā-e-shām tirā raqs nā-guzīr sahī
ye merī ḳhaak tire jism par na rah jaa.e

savād-e-shām se tā-sub.h-e-be-kinār ga.ī
tire liye to maiñ har baar haar haar ga.ī

bhañvar lapeT ke nīche utar gayā shāyad
abhī vo shaam se pahle nadī pe baiThā thā

use kyuuñ sahar se nashāt ho use kyā malāl ho shaam se
jise ishq hai tire zikr se jise uns hai tire naam se

mirī aarzū ke charāġh par koī tabsira bhī kare to kyā
kabhī jal uThā sar-e-shām se kabhī bujh gayā sar-e-shām se

vo shaam ke vaqt ḳhuuñ meñ lat-pat
saḌak ke kināre paḌā huā thā

sochne ke liye mauzū-e-suḳhan koī nahīñ
sub.h se shaam talak sirf dhuāñ khīñchte haiñ

mai-kashoñ kā ye tulūa aur ġhurūb
mai-kada shām-o-sahar khultā hai

aa ga.ī yaad shaam Dhalte hī
bujh gayā dil charāġh jalte hī

sub.h guzrī shaam hone aa.ī miir
tez kar raftār dillī duur hai

abhī ik azaab se hai safar ik azaab tak
abhī rañg-e-shām-e-zavāl meñ nahīñ ā.ūñgā

mujh ko hairat hai shab-e-aish kī kotāhī par
yā ḳhudā aa.e the kyā shām-o-sahar donoñ saath

ho barā-e-shām-e-hijrāñ lab-e-nāz se farozāñ
koī ek sham-e-paimāñ koī ik charāġh-e-va.ada

phir goyā huī shaam parindoñ kī zabānī
aao suneñ miTTī se hī miTTī kī kahānī

chāragaroñ ke darmiyāñ us kī kamī rahī magar
shām-e-firāq-e-yār kā yaad se kaam chal gayā

maan bhī jaao ki sar par hai kaḌī dhuup abhī
Dūbtī shaam kā har rañg sunahrā hogā

kuchh to aatā hai nazar din meñ dhuñdalkā hī sahī
shaam Dhalte hī dhuāñ aur bhī gahrā hogā

dekh kar insān kī bechārgī
shaam se pahle parinde so ga.e