Tags-Shaam

diye muñDer pa rakh aate haiñ ham har shaam na jaane kyuuñ
shāyad us ke lauT aane kā kuchh imkān abhī baaqī hai

koī aise vaqt meñ ham se bichhḌā hai
shaam Dhale jab panchhī ghar lauT aate haiñ

dard kī lahr meñ zindagī bah ga.ī
umr yuuñ kaT ga.ī hijr kī shaam meñ

jab shaam kī palkeñ tharrā.īñ
yādoñ kī āñhkeñ bhar aa.iiñ

koī sūrat fan-e-arz-e-hunar aa jaa.e mujhe bhī
shaam ko shaam kahūñ aur nigāhoñ pe añdhere utar aa.eñ

tū shām-rañg huā jā rahā hai sub.h se kyuuñ
jhalaktī hai tirī sūrat se yaas darvāze

nuz.hat-e-shām ne jab raḳht-e-safar bāñdh liyā
dard ne ruuh ko bedārī kā paiġhām diyā

chakh ye mahkā huā qavām-e-ḳhayāl
shaam ke paan ko lagāyā huā

tamām yādeñ to aa baiThtī haiñ shām-Dhale
udaas rahtā hai phir kis liye sirhāna-e-shab

us paar bantī miTtī dhanak us ke naam kī
is paar maiñ huuñ aur siyāhī hai shaam kī

thā intizār manāeñge mil ke dīvālī
na tum hī lauT ke aa.e na vaqt-e-shām huā

chal paḌā vaqt jab tire hamrāh
shaam Thahrī na phir sahar Thahrī

ye aaj gardish-e-shām-o-sahar batātī hai
nazar bachā.egā ḳhud āsmāñ kabhī na kabhī

shaam Dhalte der tak chhat par khaḌī rahtī huuñ maiñ
Dūbte sūraj ko jānāñ dekhtī rahtī huuñ maiñ

ai merī shām-e-furqat yuuñ dil nahīñ bahaltā
kuchh aur raushnī kar tāroñ kī raushnī meñ

qarīb-e-āḳhir-e-shab hai mire gale lag jaao
vidā-e-shām-e-tarab hai mire gale lag jaao

maiñ shaam se pahle hī pahuñch jā.ūñ to behtar
jañgal meñ huuñ aur sar pe mire bār-e-gunah hai

shaam o sahar se koī mafrūr ho gayā hai?

shaam o sahar ke manzar gahrī udāsiyoñ ke
parde girā rahe haiñ

ek dil hī thā zau-fishāñ sar-e-shām
ye diyā bhī bujhā diyā gayā hai