Tags-Shaam

soch kar jiite rahe shām-o-sahar
ḳhvāb jaisī ik kahānī de gayā

rulātā shām-o-sahar kis tarah na tāle-e-past
buland sar se mire āb-dīda honā thā

paḌā huā huuñ shaam se maiñ usī bāġh-e-tāza meñ
mujh meñ shāḳh nikal aa.ī hai raat kī raanī kī

kabhī zikr kiyā tirī zulfoñ kā aur jaatī shaam ko rok liyā
kabhī yaad kiyā tire chehre ko āġhāz-e-sahar karne ke liye

ik umr kī aur zarūrat hai vahī shām-o-sahar karne ke liye
vo baat jo tum se kah na sake use bār-e-digar karne ke liye

gardish vidā-e-hijr hai aur muzhda-e-visāl
gardish meñ haiñ ye shām-o-sahar jāgte raho

ham duniyā se jab tañg aayā karte haiñ
apne saath ik shaam manāyā karte haiñ

sham.a ik nā-mahram-e-asrār-e-shab hañgām-e-shām
ik sitāra āḳhir-e-shab aur sahar nā-āshnā

din kisī tarah se kaT jā.egā saḌkoñ pe 'shafaq'
shaam phir aa.egī ham shaam se ghabrā.eñge

shām-e-firāq guzre to sūraj tulūa ho
dil chāhtā hai phir se vahī qurbatoñ kī dhuup

tire hai zulf o ruḳh kī diid sub.h-o-shām āshiq kā
yahī hai kufr āshiq kā yahī islām āshiq kā

tū na hogī to phir ai shām-e-firāq
kaun aa kar hameñ bahalā.egā

bahut dekhe haiñ maiñ ne mashriq o maġhrib ke mai-ḳhāne
yahāñ saaqī nahīñ paidā vahāñ be-zauq hai sahbā

so chukī shaam añdhere kā hai saaya dil par
aaj ḳhvāhish koī bedār bhī ho jaa.e to kyā

dekhā jo merā hāl-e-zabūñ shām-e-intizār
apne to apne ġhair bhī namnāk ho ga.e

us kī āñkhoñ meñ utar jaane ko jī chāhtā hai
shaam hotī hai to ghar jaane ko jī chāhtā hai

naira.gī-e-nazar ke sivā aur kuchh nahīñ
dūd-e-firāq jalva-e-shām-e-visāl hai

gar dikhā deñ yaar ke kākul kā taar
sub.h ko aalam kahegā shaam shaam

āġhosh-e-tajallī meñ nazar soī huī hai
yā shaam ke zaanū pe sahar soī huī hai

ye shaam kī zulfoñ meñ simaTte hue anvār
firdaus-e-nazar tāj-mahal ke dar-o-dīvār