Tags-Shaam

mai-kade kī shaam aur kāñpte hāthoñ meñ jaam
tishnagī kī ḳhair ho ye kis ko rusvā kar diyā

pūchhte haiñ bujhte lamhoñ ke khañDar har shaam ko
ho ga.ī kyā dil kī vo sham-e-ḳharāba āshnā

ab isī ko zindagī kah lījiye yā sub.h-e-marg
aañkh kholī thī ki sar par vaqt-e-shām aa hī gayā

vo be-jhahat kā safar thā savād-e-shām na sub.h
kahāñ pe rukte kahāñ yād-e-raftagāñ karte

sunā hai raat puure chāñd kī hai
samundar shaam se bahkā huā hai

sub.h se āñgan meñ āñdhī hai añdhiyārā hai dhuul hai
shāyad aag churāne vaale ghar ā.eñge shaam ko

shaam se pahle dard kī daulat maujeñ haiñ be-nām sī
dariyāoñ se mil ke dariyā bal khā.eñge shaam ko

din ke shor meñ shāmil shāyad koī tumhārī baat bhī ho
āvāzoñ ke uljhe dhāge suljhā.eñge shaam ko

saare peḌ safar meñ hoñge aur gharoñ ke sāmne
jitne peḌ haiñ utne saa.e lahrā.eñge shaam ko

āñkhoñ ke kashkol shikasta ho jā.eñge shaam ko
din bhar chehre jam.a kiye haiñ kho jā.eñge shaam ko

shaam aur raste meñ revaḌ ke guzarne se ġhubār
jhuTpuTe meñ zarra zarra aañkh jhapkātā huā

shām-e-andoh kī shāyad ki sahar ho jaa.e
mirā din raat kā ye shor-o-bukā us se kaho

ye kis ke vasl kī ḳhushbū hai rahguzāroñ meñ
ki log shām-o-sahar intizār karte haiñ

gahrī niilī shaam kā manzar likhnā hai
terī hī zulfoñ kā daftar likhnā hai

maiñ sochtā huuñ āriz-o-gesū ko dekh kar
Thahregā sub.h-o-shām kā ye kārvāñ kahāñ

na vo dard hai na vo rañj hai na hujūm zulmat-e-shām hai
mire ḳhushk hoñToñ pe yak-ba-yak jo chamak uThā tirā naam hai

haiñ shaam hī se ranj-o-qalaq jaan par ab to
ham ko nahīñ ummīd ki pakḌeñ sahar ab to

kalyān ke ujāle meñ phirtī hai shab kahīñ
maiñ shaam hī se kāñdhe pe chādar luuñ aur gā.ūñ

sunahrī shaam
ye 'e-rose' jhilmilātā huā

ye rahguzar
ye zan o mard kā hujūm ye shaam