Tags-Shaam

sunahrī shaam
ye 'erose' jagmagātā hai

ab ḳhudā phir hameñ na dikhlā.e
shab-e-hijrāñ kī shaam kā aalam

nazar kī raah meñ be-manzarī sī phailā kar
vo ik sitāra sar-e-shām Duub jaatā hai

sub.h bichhaḌ kar shaam kā va.ada shaam kā honā sahal nahīñ
un kī tamannā phir kar lenā sub.h ko pahle shaam karo

ye kam nahīñ ke vahī shaam kā sitāra hai
jise fazīlat-e-tanhā.ī ne ubhārā hai

kah rahī hai ye shām-e-tanhā.ī
aaj kī raat ham pe bhārī hai

dhyān terā sahar-o-shām nahīñ
tū mujhe bhuul gayā ho jaise

charāġh shaam se āḳhir jalā.eñ kis ke liye
koī na aa.egā āñkheñ bichhā.eñ kis ke liye

hadd-e-nigāh shaam kā manzar dhuāñ dhuāñ
chhāne lagā hai zehn ke andar dhuāñ dhuāñ

bānū-e-shām tire surma.ī āñchal se pare
koī sāthī hai mirī bādiya-paimā.ī kā

har raah saaf sīdhī nahīñ pur-ḳhatar bhī hai
sūraj chhupe to shaam kabhī kar liyā kareñ

ujḌe nagar meñ shaam kabhī kar liyā kareñ
mujh se duā salām kabhī kar liyā kareñ

tum koī shaam aisī batlāo
jab hue tum udaas ham na hue

ek saa.at ik sadī hai ik nazar āfāq-gīr
ab nizām-e-gardish-e-shām-o-sahar kaafī nahīñ

ye shām-e-sard meñ har sū alaav jalte haiñ
siyah ḳhamoshī meñ koī sadā mile to sahī

ye bhī kiyā nazm-e-jahāñ hai ki azal se ab tak
bas vahī silsila-e-shām-o-sahar baaqī hai

ik subū aur ki lauh-e-dil-e-mai-noshāñ par
kuchh nuqūsh-e-sahar-o-shām abhī baaqī haiñ

ahd-e-pīrī ne hameñ rañg dikhā.e kyā kyā
sar pe ho shaam to baḌh jaate haiñ saa.e kyā kyā

aaj kī raat na jaane kitnī lambī hogī
aaj kā sūraj shaam se pahle Duub gayā hai

utartī shaam se pūchheñge
jugnuoñ kā mizāj