Tags-Shahr

nazar to kyā ki ye mīnā-e-dil bhī ḳhālī hai
lagegā shahr meñ bāzār-e-ḳhūñ-bahā kaise

achchhā hai koī tīr-bā-nashtar bhī le chalo
kuchh yādgār-e-shahr-e-sitamgar bhī le chalo

sab jā rahe gulāb se chehre liye hue
tum ā.inoñ ke shahr meñ patthar bhī le chalo

abhī āsār se baaqī haiñ dil meñ
kabhī is shahr meñ mela lagā thā

ḳhudā rakkhe tujhe ai sar-zamīn-e-shahr-e-ḳhāmoshāñ
yahīñ aa kar har ik bechain ko ārām aatā hai

ham tirā hijr manāne ke liye nikle haiñ
shahr meñ aag lagāne ke liye nikle haiñ

shahr kūchoñ meñ karo hashr bapā aaj ki ham
us ke va.adoñ ko bhulāne ke liye nikle haiñ

shahr meñ shor hai vo yuuñ ki gumāñ ke safarī
apne hī aap meñ aane ke liye nikle haiñ

vo jo the shahr-e-tahayyur tire pur-fan me.amār
vahī pur-fan tujhe Dhāne ke liye nikle haiñ

chalo aao tum ko dikhā.eñ ham jo bachā hai maqtal-e-shahr meñ
ye mazār ahl-e-safā ke haiñ ye haiñ ahl-e-sidq kī turbateñ

banā liyā hai ik ā.īna apne dil ko 'shahīd'
mujhe to shahr meñ ab koī bevafā na lage

ab mire shahr kī pahchān hai ik vāda-shikan
shahriyat badlūñ ki tārīḳh kā inkār karūñ

ḳhud-numā.ī ke bhare ik shahr meñ
apne qad se har koī ūñchā lagā

is liye aa ke tire shahr meñ ābād hue
ham ko is dasht-navardī se bhī lenā kyā thā

ulajhte ho tum agar dekhte ho ā.īna
jo tum se shahr meñ hoñ ek do to kyūñkar ho

tumheñ shikāyat-e-ahl-e-vatan hai kyuuñ sāhab
ḳhud apne shahr meñ 'ġhālib' kī aabrū kyā thī

vafā ke shahr meñ ab log jhuuT bolte haiñ
tū aa rahā hai magar sach ko māntā hai to aa

ye shahr-e-lā-had-o-samt merā
golob meñ ik nishān bhar thā

mujh se bichhḌī jo mauj-e-nik.hat-e-yār
phir maiñ us shahr meñ rahā hī nahīñ

kyā ḳhabar mere junūñ ko shahr kyuuñ raas aa gayā
aise aalam meñ to sahrā dekhne kī chiiz thī