Tags-Shahr

mohabbatoñ ke pale kaise nafratoñ meñ Dhale
ye soch soch ke ham shahr terā chhoḌ chale

muntazir jaise the dar shahar-e-firāq-āsār ke
ik zarā dastak huī dar dam meñ vā hote ga.e

harf pardā-posh the izhār-e-dil ke baab meñ
harf jitne shahr meñ the harf-e-lā hote ga.e

tujhe kaise ilm na ho sakā baḌī duur tak ye ḳhabar ga.ī
tire shahr hī kī ye shā.era tire intizār meñ mar ga.ī

hamāre shahr kā dastūr baabā
pareshāñ-hāl har mazdūr baabā

chale haiñ hissa lene dauḌ meñ phir
hamāre shahr ke ma.azūr baabā

añdheroñ meñ mujhe ḳhud ik sitāra DhūñDne aayā
ki shahr be-hunar se ik sadā-e-e'tibār aa.ī

amīr-e-shahr banāyā gayā hai jis din se
hamāre ghaav sitamgar bahut namaktā hai

shahr ke log bhī shahr ke hañgāmoñ meñ gum hote hī 'adīm'
bastī vāloñ ne bhī koī rog lagāyā hotā hai

fasīl-e-shahr ke bāhar nahīñ kisī ko ḳhabar
bahut se ahl-e-hunar yūñhī mar ga.e chup-chāp

us kī ḳhushbū nahīñ rahī vaisī
shahr se apne jā chukī ho kyā

ajiib log haiñ 'tāriq-na.īm' shahr ke bhī
ye tīr-e-hijr diloñ meñ niyām karte haiñ

is shahr-e-fusūñ-gar ke azaab aur, savāb aur
hijr aur tarah kā hai, visāl aur tarah kā

aage kī manziloñ kī taraf shaam kā safar
jaise shaboñ ke dil meñ thā shahr-e-qayām-e-shām

ye saje baam javāñ chāñdnī yuuñ lagtā hai
ik sitam aur tire shahr ne karnā hai abhī

ik tum hī nahīñ tanhā ulfat meñ mirī rusvā
is shahr meñ tum jaise dīvāne hazāroñ haiñ

sochiye to sabhī apne haiñ koī ġhair nahīñ
hākim-e-shahr se hai jurm-o-sazā kā rishta

shahr mumbai
mujhe us ne chunā hai ham-safar apnā

log milne ko chale aate haiñ dīvāne se
shahr kā ek ta.alluq to hai vīrāne se

ḳhushā qātil kī shān-e-shahr-yārī
manā.eñ ḳhair ham apne saroñ kī