Tags-Shahr

ai faqīh-e-shahr kyā is kā ilaaj
chashm-e-sāqī bhī hai paimāne ke saath

mirā qalam nahīñ kirdār us muhāfiz kā
jo apne shahr ko mahsūr kar ke naaz kare

tumhārā ghar bhī isī shahr ke hisār meñ hai
lagī hai aag kahāñ kyuuñ pata kiyā jaa.e

ab añdhere hī añdhere haiñ galī-kūchoñ meñ
chāñd-tāroñ ne mire shahr se hijrat kī hai

badan ke shahar meñ ābād ik darinda hai
agarche dekhne meñ kitnā ḳhush-libās bhī hai

amīr-e-shahr kā aivān kaañp uTThegā
ġharīb-e-shahr huuñ merā bayān rahne de

shahr ko chhoḌ do aur gaañv ko jaao tum bhī
is ta.alluq ke takalluf ko uThāo tum bhī

hamāre shahr maiñ
jitnā ḳhuun bahtā hai

itne bhī na ham ḳharāb hote rahte
kaahe ko ġham-o-alam se rote rahte

har galī aa.ī nazar kūcha-e-jānāñ kī tarah
ham ko duniyā ye lagī shahr-e-nigārāñ kī tarah

ab kisī kī chīḳh kyā ubhre ki mīr-e-shahr ne
sākinān-e-shahr ke sīnoñ pe patthar rakh diye

kisī lab pe harf-e-sitam to ho koī dukh supurd-e-qalam to ho
ye bajā ki shahr-e-malāl meñ koī 'faiz' hai koī 'mīr' hai

na dastakeñ na sadā kaun dar pe aayā hai
faqīr-e-shahr hai yā shahryār dekhiyegā

ham se dīvāne gar nahīñ hote
shahr ye hādsa hī ban jaatā

maiñ hī karūñgā shahr kī miTTī ko suraḳh-rū
mere hī ḳhuuñ se chhāp ke aḳhbār deñge log

kyā batā.ūñ tumheñ vo shahr thā kyā
jis kī aab o havā rahā huuñ maiñ

ye kaisā shahr hai jaage hai shab-bhar
yahāñ jiine kā koī Dhab nahīñ hai

samundar aadmī kā khā gayā kitne safīne ko
yahāñ jo shahr hai vo dosto mañjdhār jaisā hai

qitāl zulm-o-tashaddud fasād aag dhuāñ
hamāre shahr meñ ab kyā mazīd rakkhā hai

batā rahe haiñ 'tasavvur' ye shahr ke hālāt
kisī kī pusht pe dast-e-yazīd rakkhā hai