Tags-Shahr

ab shahr shahr aam hai goyā.ī kā sukūt
jab se lab-e-sukūt kī goyā.ī kam huī

tamām sabz ruteñ aa ke kar rahī haiñ salām
hamāre shahr meñ mausam kī pahlī bārish hai

milā hai tum ko jo shahr-e-ḳhūbī to mulk-e-ġham ke haiñ ham bhī vaalī
hue haiñ kishvar do ujāre idhar hamāre udhar tumhāre

ik paḌosī dūsre se nā-balad
be-muravvat shahr to itnā na thā

mujhe butoñ se ijāzat agar kabhī mil jaa.e
to shahar-bhar ke ḳhudāoñ ko be-naqāb karūñ

hujūm-e-shahr meñ shāmil rahā aur is ke ba.ad
'sahar' udhar bhī gayā maiñ jidhar na thā koī

ruke hue haiñ kināre pe vo talātum hai
ye shahr-e-ishq hai aur hai majāl se aage

fasīl-e-shahr kī Dālīñ jinhoñ ne buniyādeñ
vo haath dastakeñ dete hue yahāñ TuuTe

ik talātum sā hai har samt tamannāoñ kā
dil pe hotā hai gumāñ shahr hai dariyāoñ kā

mujh ko kahāniyāñ na sunā shahr ko bachā
bātoñ se merā dil na lubhā shahr ko bachā

mere tahaffuzāt hifāzat se haiñ juḌe
mere tahaffuzāt miTā shahr ko bachā

tū is liye hai shahr kā hākim ki shahr hai
us kī baqā meñ terī baqā shahr ko bachā

tū jaag jā.egā to sabhī jaag jā.eñge
ai shahryār jaag zarā shahr ko bachā

tū chāhtā hai ghar tirā mahfūz ho agar
phir sirf apnā ghar na bachā shahr ko bachā

koī nahīñ bachāne ko aage baḌhā huzūr
har ik ne dūsre se kahā shahr ko bachā

lagtā hai log ab na bachā pā.eñge ise
allāh madad ko tū mirī aa shahr ko bachā

tārīḳh-dān likkhegā 'taimūr' ye zarūr
ik shaḳhs thā jo kahtā rahā shahr ko bachā

dehāt se jo shahar meñ bakroñ ko laa.e haiñ
ma.alūm ho rahā hai vo jannat se aa.e haiñ

mujh ko talab se kyā milā dard-o-sarāb āgahī
merī nazar meñ mo'tabar shahr-e-jamāl bhī nahīñ

sab kā mahbūb ek thā 'hamdam'
shahr meñ ek hī galī thī kabhī