Tags-Shahr

sab pighal jaa.e tamāsha vo idhar kab hogā
mom ke shahr se sūraj kā guzar kab hogā

ab kyā socheñ kyā hālāt the kis kāran ye zahr piyā hai
ham ne us ke shahr ko chhoḌā aur āñkhoñ ko muuñd liyā hai

aur manzar haiñ bahut chashm-e-ḳharīdār meñ ab
ḳhvāb bikte hī nahīñ shahr ke bāzār meñ ab

vā.iz-e-shahr nahīñ shahr-e-sitamgar bhī tamām
naqd-e-jāñ māñgte haiñ jur.at-e-inkār meñ ab

jo ġham huā hai na.e shahar ke makānoñ meñ
vo dekhne ko kabhī ye khañDar bhī aa.egā

chhoḌeñ bhī to kis tarah ham is shahr ko chhoḌeñ
is najd ke pāband tire ḳhāk-nashīñ haiñ

shahr se aa.e majnūñ ne ik baat kahī
aur dīvāne ḳhaak uḌāne lag ga.e haiñ

is shahr-e-be-zauq meñ kis kā pair paḌā
peḌ parinde sher sunāne lag ga.e haiñ

kiyā us ne qatl aur maiñ ne muaaf
abas ahl-e-shahr us kā charchā kareñ

kyuuñ ahl-e-sitam kā dil toḌeñ phir shahr meñ chal kar sar phoḌeñ
sahrā-e-junūñ ko ab chhoḌeñ dīvār nahīñ to kuchh bhī nahīñ

maiñ ne paayā na ise shahr meñ na sahrā meñ
tū ne le jā ke mire dil ko kahāñ chhoḌ diyā

ham apne shahr se ho kar udaas aa.e the
tumhāre shahr se ho kar udaas jaanā thā

tamām shahr meñ hai aam kārobār-e-havas
ki chehre chehre pe chaspāñ hai ishtihār-e-havas

havā hai garm na kamre kī khiḌkiyāñ kholo
na jaane shahr meñ Thahre kahāñ ġhubār-e-havas

jinnoñ ke shahr meñ nahīñ kam-ayār kuuñ hurmat
maiñ naqd-e-qalb kuuñ kāñTe meñ dil ke tol chukā

sab ḳhirad-mand bane phirte the māshā-allāh
bas tire shahr meñ ik sāhib-e-vahshat ham the

kahnī hai mujh ko ek baat aap se ya.anī aap se
aap ke shahr-e-vasl meñ lazzat-e-hijr bhī ga.ī

kyuuñ re divāne shahr yahī hai ik ik pal bhārī hai jahāñ
apne vīrāne meñ ai dil jī kā ye janjāl na thā

ham jo luTe us shahr meñ jā kar dukh logoñ ko kyuuñ pahuñchā
apnī nazar thī apnā dil thā koī parāyā maal na thā

bajtī haiñ shahr shahr mire dil kī dhaḌkaneñ
charche haiñ duur duur usī Dholak kī thaap ke