Tags-Shama

yuuñ to jal bujhne meñ donoñ haiñ barābar lekin
vo kahāñ sham.a meñ jo aag hai parvāne meñ

kuchh sham.a se pūchho na shab-e-tār se pūchho
kyā hijr meñ biitī ye dil-e-zār se pūchho

apnī maut apnī tabāhī kī taraf kyā dekheñ
ki nigāheñ taraf-e-sham.a haiñ parvānoñ kī

jaane se pahle bevafā shab ko sahar banā.e jā
dil ko bujhā ke kyā chalā sham.a ko bhī bujhā.e jā

faroġh-e-dīda-o-dil lāla-e-sahar kī tarah
ujālā bin ke raho sham-e-rahguzar kī tarah

din bhar ġhamoñ kī dhuup meñ chalnā paḌā mujhe
rātoñ ko sham.a ban ke pighalnā paḌā mujhe

duḳhtar-e-raz pe gireñ mast patañgoñ kī tarah
sham-e-mahfil ho ye laḳht-e-jigar-e-jām-e-sharāb

pyaar kī jot se ghar ghar hai charāġhāñ varna
ek bhī sham.a na raushan ho havā ke Dar se

tārīkiyoñ ke qalb-e-tārīk-tar meñ DhūñDo
ik sham.a māvarā-e-anvār bhī rahegī

bujh ga.ī ik aah meñ sham-e-hayāt
mujh ko dam-e-sard ne ThanDā kiyā

ronā in kā kaam hai har dam jal jal kar mar jaanā bhī
jān-e-jahāñ ushshāq tumhāre sham.a bhī haiñ parvāna bhī

ishq par daana nahīñ mohtāj-e-tahrīk-e-jamāl
jalne vaalā jal bujhegā sham-e-sozāñ dekh kar

hājat-e-sham.a kyā hai turbat par
ham ki dil sā charāġh rakhte haiñ

husn ke jalve nahīñ muhtāj-e-chashm-e-ārzū
sham.a jaltī hai ijāzat le ke parvāne se kyā

zulmat se dī najāt dil-e-dāġhdār ne
raushan misāl-e-sham.a hai zer-e-mazār daaġh

tamām tiira manāzil se maiñ guzar jā.ūñ
jo ek sham-e-mohabbat jale to kyā kam hai!

kal jin ko añdhere se thā hazar rahtā thā charāġhāñ pesh-e-nazar
ik sham.a jalā de turbat par juz daaġh ab itnā koī nahīñ

aag hai siine meñ tere maujzan tū yaad rakh
sham.a sī raushan añdhere ghar kī vīrānī meñ hai