Tags-Shama

pahle bhī tavāf-e-sham-e-vafā thī rasm mohabbat vāloñ kī
ham tum se pahle bhī yahāñ 'mansūr' hue 'farhād' hue

aqīde bujh rahe haiñ sham-e-jāñ ġhul hotī jaatī hai
magar zauq-e-junūñ kī sho.ala-sāmānī nahīñ jaatī

hai bazm-e-jahāñ meñ nā-mumkin be-ishq salāmat husn rahe
parvāne to jal kar ḳhaak hue ab sham.a bhī jaltī jaatī hai

kisī ke husn kī bas ik kiran hī kaafī hai
ye log kyuuñ mire aage haiñ sham.a laa.e hue

is sadā meñ harf haiñ yā mom ke aañsū haiñ jo
sham.a ke pahlū meñ girte jā rahe haiñ kyā karūñ

hajla-e-tārīk meñ paa.ī hai is ne parvarish
sham.a jalte hī dar-o-dīvār par

kahāñ ke sham-o-parvāne ga.e mar
bahut ātash-bajāñ the is chaman meñ

roz-e-siyah meñ saath koī de to jāniye
jab tak faroġh-e-sham.a hai parvāna saath hai

faqat ek lamhe meñ munkashif huī sham-e-mausam-e-ārzū
'sahar' us ke chehre kī samt jab gul-e-āftāb nahīñ rahā

raat us kī mahfil meñ sar se jal ke paañv tak
sham.a kī pighal charbī ustuḳhāñ nikal aa.ī

hazār sham-e-uḳhuvvat bujhā ke chamke haiñ
ye tīrgī ke ubhāre hue hasīñ fānūs

yā sham.a kī lo hī maddham hai yā sard hai dil kī aag abhī
sochā thā ki uḌ kar pahuñcheñge us bazm meñ parvānoñ kī tarah

tū sham-e-masarrat hai ġham-ḳhāna-e-imkāñ meñ
dam se tire qaa.em hai har bazm kī ra.anā.ī

mar miTe jald-bāz parvāne
apnī sī sham.a to nibāh ga.ī

raat us kī mahfil meñ sar se jal ke paañv tak
sham.a kī pighal charbī ustuḳhāñ nikal aa.ī

mirī sadā hai gul-e-sham-e-shām-e-āzādī
sunā rahā huuñ diloñ ko payām āzādī

raunaq-e-dair-o-haram kā 'qādrī' kyā pūchhnā
raushnī ik sham.a kī do ghar meñ jab chhā.ī rahe

koī tāq-e-nazar meñ sham.a rakh kar
dil-e-vīrān raushan kar gayā hai

nahīñ vo sham-e-mohabbat rahī to phir 'āsim'
ye kis duā se mire ghar meñ raushnī sī hai

kārvāñ luT gayā rāhbar chhuT gayā raat tārīk hai ġham kā yaarā nahīñ
raah meñ bhī koī sham.a jaltī nahīñ āsmāñ par bhī koī sitārā nahīñ