Tags-Shama

us ke faroġh-e-husn se jhumke hai sab meñ nuur
sham-e-haram ho yā ki diyā somnāt kā

āmad-e-ḳhat se huā hai sard jo bāzār-e-dost
dūd-e-sham-e-kushta thā shāyad ḳhat-e-ruḳhsār-e-dost

sham.a raushan koī kar de mire ġham-ḳhāne meñ
jaane kab se yahāñ baiThā huuñ sanam-ḳhāne meñ

jalāyā bazm meñ har roz sham.a ke mānind
hazāroñ bāteñ sunā.īñ jo be-zabāñ dekhā

aise hañsmukh ko sham.a se tashbīh
sham.a-e-majlis kī ronī sūrat hai

ik māhtāb thā ki pighaltā chalā gayā
ik sham.a thī ki saath mire raat bhar jalī

ab bhī raushan hai tire dil meñ mohabbat kā diyā
raat phir sham-e-yaqīñ-sāz jalāne meñ kaTī

mil kar bhī jal gayā ki bachā ye na pūchhiye
itnā huā ki sham.a se parvāna mil gayā

ik sham-e-be-nishāñ kā pata DhūñDte hue
ham ne dil-o-nigāh ke sūraj bujhā liye

jalā diyā jo patañg ab na ro huā so huā
ai sham.a sub.h ko jo ho so ho huā so huā

agar qadam tire mai-kash kā laḌkhaḌā jaa.e
to sham-e-mai-kada kī lau bhī thartharā jaa.e

yahāñ ik sham.a raushan karnā bhī āsāñ nahīñ itnā
zarā sī chuuk hone par hathelī thaam letī hai

sang-e-be-qīmat tarāshā aur jauhar kar diyā
sham-e-ilm-o-āgahī se dil munavvar kar dayā

misl-e-parvāna fidā har ek kā dil ho gayā
yaar jis mahfil meñ baiThā sham-e-mahfil ho gayā

ḳhaak hone kā sila ḳhaak nahīñ
sham.a jaltī hai to dil dukhtā hai

ġham kī tārīk fazāoñ se nikalne na diyā
sham.a raushan jo koī kī bhī to jalne na diyā

ye intizār nahīñ sham.a hai rifāqat kī
is intizār se tanhā.ī ḳhūb-sūrat hai

jigar kā juuñ sham.a kaash yā-rab ho daaġh raushan murād hāsil
ki dil ko lau lag rahī yahī hai charāġh raushan murād hāsil

lage na kyuuñ aag tere sar se ki ishq meñ maiñ ne paañv rakkhā
bajā hai ai sham.a tujh ko kahnā dimāġh raushan murād hāsil

vo nargis bhī hiirā bhī sham.a bhī aivān bhī thā
kitāboñ meñ ḳhud tazkira sar-varaq nafs-e-mazmūn