Tags-Shama

sard mausam kī ḳhatā thī na zamāne kī thī
sham.a ko jis ne bujhāyā vo havā merī thī

daaġh ho jā.egā ye taaj zarī kā ai sham.a
jī jalāne ko na ḳhūbān-e-zarī-posh meñ aa

dil ye kahtā hai jo vo sham-e-ezār aa nikle
ban ke fānūs pukārūñ mire āġhosh meñ aa

jo sham.a-e-intizār jalī thī bujhā.eñ ham
aao ki jashn-e-marg-e-mohabbat manā.eñ ham!

havā ke ek hī jhoñke kī der hai 'qaisar'
kisī bhī taaq pe sham-e-sahar sambhāl ke rakh

shab kyuuñ ki saltanat na kare tāj-e-zar se sham.a
rashk-e-par-e-humā par-e-parvāna ho gayā

koī jā kar nahīñ aatā 'shohrat'
sūrat-e-sham.a ghuloge kab tak

pesh-e-junūn-e-baḳhta ai dil maut to ziist se ḳhush-tar hai
sham.a ke aage raqs-kunāñ thā parvāna jal jaane meñ

sham-e-ummīd gar nahīñ hotī
shām-e-ġham kī sahar nahīñ hotī

jab sham-e-intizār uThā lī muñDer se
dast-e-havā bhī halqa-e-dar se nikal gayā

dekh parvānoñ ke raqs-e-betāb ko sham.a aane na de aañkh meñ ḳhvāb ko
ek jhapkī sī aa.ī thī mahtāb ko aañkh kholī to koī sitārā na thā

aaj hai mahv-e-shanā vo sham.a-rū
har par-e-māhī par-e-parvāna hai

sham.a-rūoñ kī tajallī dekhiye
kirmak-e-shab-tāb har parvāna hai

terī mahfil ka.aba hai ai sham.a-rū
tā.er-e-qibla-numā parvāna hai

sham-e-raushan āriz-e-jānāna hai
ḳhāl-e-mushkīñ sham.a kā parvāna hai

parvāna jal ke sāhab-e-kirdār ban gayā
lekin jamāl-e-sham.a gunāhgār ban gayā

dil ko parvāna banāyā kar diyā jaañ ko nisār
sham.a-rū ke ishq meñ ham kyā kaheñ kyā kyā kiyā

husn ne aur ishq ne hañgāma ik barpā kiyā
sham.a ko raushan kiyā parvāne ko shaidā kiyā