Tags-Sharab

sab ko maarā 'jigar' ke sheroñ ne
aur 'jigar' ko sharāb ne maarā

huā hai mast-e-sharāb-e-gulgūñ akaḌ rahā hai vo sarv-e-mauzūñ
dikhā ke ham ko ye jām-e-vāzūñ ḳhajil kiyā anjuman ke andar

pī kar sharāb bazm meñ phir aa.iye zarā
hai mai-kashī meñ hosh bhī batlā.īye zarā

badlī ke dinoñ mai-ḳhvānoñ meñ sahbā kī ravānī kyā kahnā
rātoñ kī sharāb-o-shāhid se palkoñ kī girānī kyā kahnā

bas ki fa.ālummā-yurīd hai aaj
har silah shor englistāñ kā

vaañ vo to ghar se apne pī kar sharāb niklā
yaañ sharm se araq meñ Duub āftāb niklā

jo kaifiyyat hai mastī se tirī āñkhoñ kī laalī meñ
nahīñ vo nashsha-e-rañgīñ sharāb-e-portugalī meñ

apnī ḳhush-nasībī haiñ ḳhud ko rok rakkhe haiñ
varna khīñch letī hai ye sharāb kī duniyā

sad-ātisha agar ho tirā rañg-rūp hai
jo rañg phuul meñ hai nasha hai sharāb meñ

paanī kī tarah ahl-e-havas ne sharāb pī
likkhī ga.ī hai tishna-laboñ ke hisāb meñ

tum ne bahut sharāb pī us kā sabhī ko dukh hai 'jaun'
aur jo dukh hai vo ye hai tum ko sharāb pī ga.ī

sharāb band ho saaqī ke bas kī baat nahīñ
tamām shahar hai do chaar das kī baat nahīñ

sāqī-e-gulfām ne rakkhī to hai bhar kar sharāb
Dar hai uḌ jaa.e na shīshe se parī ban kar sharāb

kisī se uTh nahīñ sakne kā bojh mastoñ kā
zamīn shaq ho agar shīsha-e-sharāb gire

ham jo mast-e-sharāb hote haiñ
zarre se āftāb hote haiñ

shola-rū yaar shola-rañg sharāb
kaam yaañ kyā hai dāman-e-tar kā

zahr-ālām dil ke sāġhar meñ
ik purānī sharāb ho jaise

majlis-e-chashm-e-mast saaqī meñ
daur-e-jām-e-sharāb dekhā huuñ

sharāb-e-ḳhūn bin taḌpūñ se dil labrez rahtā hai
bhare haiñ sañg-reze maiñ nai is mīnā-e-ḳhālī meñ