Tags-Sharab

sharāb-e-ḳhūn bin taḌpūñ se dil labrez rahtā hai
bhare haiñ sañg-reze maiñ nai is mīnā-e-ḳhālī meñ

is cocktail kā to nasha hī kuchh aur hai
ġham ko ḳhushī ke saath milā kar sharāb pī

jaagī na thiiñ nasoñ meñ tamannā kī nāgineñ
us gandumī sharāb ko jab tak chakhā na thā

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

agarche nāzkash-e-esāġhar-e-sharāb na thā
ḳhumār-ḳhāne meñ mujh sā koī ḳharāb na thā

qasam hai ham ko tirī chashm-e-mast kī saaqī
piyeñ sharāb to kām-o-dahan ko aag lage

māneñ jo merī baat murīdān-e-be-riyā
deñ shaiḳh ko kafan to Dubo kar sharāb meñ

mai-ḳhāna-e-hastī kā jab daur ḳharāb aayā
kullaḌ meñ sharāb aa.ī patte pe kabāb aayā

maiñ nashe meñ tere hī chuur huuñ tire paas ho ke bhī duur huuñ
tū mire vajūd meñ hai nihāñ tirā ġham hī merī sharāb hai

vahāñ sharāb pilātā huuñ ahl-e-bīnash ko
jahāñ bhī ḳhuun bahāne kī baat kartā huuñ

sharāb-e-talḳh pilāne kī baat kartā huuñ
ḳhud-āgahī ko jagāne kī baat kartā huuñ

junūñ ke jaam kuuñ le shīsha-e-sharāb ko toḌ
ḳhirad galī siiñ parī pīkarāñ kī be-dil jā

ilm hī kī sharāb pī jhuk kar
ḳhud ko hargiz na vaqf-e-jām kiyā

zāhid sharāb piine de masjid meñ baiTh kar
yā vo jagah batā de jahāñ par ḳhudā na ho

sharāb o sher ke dariyā meñ Duub kar 'sāġhar'
surūr-o-kaif ke dhāroñ se khel saktā huuñ

piitā huuñ maiñ sharāb-e-mohabbat to kyā huā
piitā hai ye sharāb to parvardigār bhī

na dekh o mah-jabīñ mirī samt itnī mastī-bharī nazar se
mujhe ye mahsūs ho rahā hai sharāb kā daur chal rahā hai

fareb-e-sāqi-e-mahfil na pūchhiye 'majrūh'
sharāb ek hai badle hue haiñ paimāne

sharāb hai na sahar hai magar ye aalam hai
kisī ne jaise nigāhoñ se mai pilā.ī ho

ai shab-e-māh TūTtā hai badan
dard shāyad sharāb se nikle