Tags-Anjam

ashk ban ban ke vo āñkhoñ se Tapak jā.egī
kyā ḳhabar thī ki ye anjām-e-tamannā hogā

apnī is shoḳhi-e-raftār kā anjām na soch
fitne ḳhud uThne lage tū ne uThā.e to nahīñ

zānū-e-but pe jaan dī dekhā
'momin' anjām-o-iḳhtitām mirā

na ho jo zindagī anjām vo vijdān-e-nāqis hai
huzūr-e-shamm'a bād-e-vajd parvāne pe kyā guzrī

hastī se tā-adam hai safar do qadam kī raah
kyā chāhiye hai ham ko sar anjām ke liye

'sīmāb' kibr-o-nāz kā anjām kuchh na pūchh
sab rafta rafta gor-e-ġharībāñ meñ aa ga.e

maiñ hī anjām maiñ hī ibtidā huuñ
thamā vaqfa huuñ maiñ hī silsila huuñ

kaun nā-vāqif-e-anjām-e-tabassum hai 'amīr'
mere hālāt pe ye kis ko hañsī aa.ī hai

zarā Thahr ki ab anjām-e-soz-e-ġham hai qarīb
charāġh-e-zīst bhaḌakne ko hai bujhā.e jā

vo samjhe ki ham ne maar liyā ham samjhe mileñge āḳhir vo
milte hī nigah ke donoñ ḳhush āġhāz se vo anjām se ham

'hafīz' āġhāz se anjām tak rahzan ne pahuñchāyā
usī ko ham-safar paayā usī ko ham-safar jaanā

mujhe ma.alūm hai anjām kyā hogā mohabbat kā
masīhā tū hī tū hai aur mirā qātil hai tū hī tū

is samt maraz ishq kā anjām ko pahūñchā
is samt tavajjoh kā bhī āġhāz nahīñ hai

mohabbat rah chukī aur mātam-e-anjām baaqī hai
vo āñkheñ ashk bhar laa.eñ to apnā kaam ho jaa.e

apne anjām se Dartā huuñ maiñ
dil dhaḌaktā hai ki sachchā huuñ maiñ

sham.a bujhtī hai to duniyā meñ sahar hotī hai
ai suḳhan-var tirā āġhāz hai anjām tirā

ab aur kyā ho tamannā-e-vasl kā anjām
dil o dimāġh tirī yaad ho ke rah ga.e haiñ

na ḳhush ho jaan ke be-dast ham tirā anjām
inheñ tarāshe ga.e bāzuoñ se likkheñge

mere marne se hue saikḌoñ armān shahīd
'ālim' anjām meñ dil ganj-e-shahīdāñ niklā

shauq-e-betāb kā anjām tahayyur paayā
dil samajhte the jise dīda-e-hairāñ niklā