Tags-Anjam

anjām huā apnā āġhāz-e-mohabbat meñ
is shaġhl ko jāñ-farsā aisā to na thā jaanā

aah! kal tak vo navāzish! aaj itnī be-ruḳhī
kuchh to nisbat chāhiye anjām ko āġhāz se

vāqif thā apne ishq ke anjām se magar
phir bhī kisī pe jaan ko vaarā bahut ġhalat

tārīḳh-e-chaman likhne ke liye kyuuñ haath baḌhe haiñ gulchīñ ke
āġhāz-e-gulistāñ merā thā anjām-e-gulistāñ merā hai

kabhī to pā.egī anjām kashmakash dil kī
kahīñ to ma.arka-e-ḳhair-o-shar pahuñchnā hai

kirdār bech dene kā anjām ye huā
dil meñ utarne vaale nazar se utar ga.e

abhī anjām-e-dil ma.alūm kyā hai
ajī tum ne to aafat dekh lī hai

kahte haiñ ishq kā anjām burā hotā hai
ab to kuchh bhī ho mohabbat kā nibhānā hai hameñ

āġhāz apnā vahshat basrī anjām apnā shorīda-sarī
ham aaj bhī haiñ badnām bahut ham kal bhī nihāyat rusvā the

ik nazar sāmne dīvār pe chaspāñ kar ke
apnā anjām paḌhūñ us kā sarāpā likhūñ

āġhāz-e-mohabbat se anjām-e-mohabbat tak
''ik aag kā dariyā hai aur Duub ke jaanā hai''

vafāoñ kā natīja ham to jo kuchh hai samajhte haiñ
magar ai kaash anjām-e-jafā vo bhī kabhī samjhe

mire ehsās ke is ḳhvāb kā anjām kyā hogā
ye mere andarūn-e-zāt ke tārāj-gar

ai mohabbat tire anjām pe ronā aayā
jaane kyuuñ aaj tire naam pe ronā aayā

ham ko ma.alūm thā anjām-e-mohabbat ham ne
āḳhirī harf se pahle hī qalam toḌ diyā

hausloñ kā hī anjām haiñ tajarbe bas bhare
āshtī āshtī āshtī āshtī niiñd aane lagī

aa gayā sāmne anjām taḌap uTThā dil
apne afsāne ke āġhāz pe ronā aayā

anjām-kār par nahīñ kuchh iḳhtiyār 'yās'
taqdīr se ḳhajil mirī tadbīr ho na jaa.e

tum kaho ahl-e-ḳhirad ishq meñ kyā kyā biitī
ham to is raah meñ nā-vāqif-e-anjām aa.e

hotā na farebanda-e-dil kaash ke 'hasrat'
āġhāz meñ ye ishq-e-bad-anjām hamārā