Tags-Anjam

samajhte haiñ āġhāz-o-anjām apnā mah-o-mehr kyā ā.eñge tere aage
idhar se udhar un kā phir jā.egā muñh lagā.egī sharmindagī aisā thappaḌ

kitnī raushan haiñ samundar kī chamaktī rāteñ
Dūbtī lahroñ kā anjām kabhī likh lenā!

ik aur bhī hasrat hai pas-e-hasrat-e-dīdār
ik aur bhī āġhāz hai anjām ke aage

jur.at-e-parvāz ke anjām se vāqif huuñ maiñ
ḳhuun meñ Duubā huā ye bāl-o-par dekheñge log

jab ālam-e-vahshat meñ apne ko bhulā baiThā
anjām-e-mohabbat kī taqsīr nazar aa.ī

baat kahne kā jo anjām huā kartā hai
āshkārā hai kisī se bhī to mastūr nahīñ

be-sabab koī navāzish nahīñ kartā 'sarshār'
dekheñ kyā un kī ināyāt kā anjām rahe

jis ko āġhāz-e-mohabbat kā nahīñ hai ehsās
bas use ishq ke anjām se Dar lagtā hai

kuchh rañg the kuchh dhuup thī kuchh dahshat-e-anjām
kuchh saañs the kuchh saañs meñ ḳhushbū-e-fanā thī

nahīñ afsūñ hī ko afsāne kī manzil ma.alūm
ġhalat āġhāz kā hotā hī hai anjām ġhalat

badnāmī o barbādī anjām-e-mohabbat haiñ
duniyā meñ rahā 'farhat' rusvā-e-jahāñ ho kar

barbād gulistāñ karne ko bas ek hī ullū kaafī thā
har shāḳh pe ullū baiThā hai anjām-e-gulistāñ kyā hogā

maut anjām-e-zindagī hai magar
log marte haiñ zindagī ke liye

maiñ ne tujhe anjām se āgāh kiyā thā
achchhā nahīñ terā ye taḌapnā mire aage

us ko jab ki mire anjām se kuchh kaam nahīñ
mujh ko bhī ishq ke iqdām se kuchh kaam nahīñ

anjām-kār baat shikāyāt par rukī
pursish agarche az-rah-e-tamhīd kī ga.ī

us se kyā kahnā hai pahle ye to tai ho
phir socheñge kyā anjām hamārā hogā

justujū kā koī anjām to zāhir ho 'nadīm'
ik musalmāñ to nazar aa.e musalmānoñ meñ

abhī āġhāz-e-mohabbat hai kuchh is kā anjām
tujh ko ma.alūm hai ai dīda-e-nam kyā hogā

is dasht ke anjām pe pahle se nazar thī
tāsīr samajhte the ham āvāz-e-sagāñ kī