Tags-Shikwa

dil kī taklīf kam nahīñ karte
ab koī shikva ham nahīñ karte

dil hī to hai zabāñ nahīñ shikva nahīñ kareñge ham
lekin ye shart kis liye jī ko malāl hī na ho

kunj-e-tanhā.ī meñ yuuñ shikva-ba-lab baiThā huuñ
tañgī-e-gor-e-ġharebāñ nahīñ jiine detī

kyā kahiye nasīboñ ko ki aġhyār kā shikva
sun sun ke vo chupkā hai ki maiñ kuchh nahīñ kahtā

ye urūj-e-daulat-e-qaisarī ye shikoh-e-tāj-e-sikandarī
ki yahāñ to ḳhūn-e-ġharīb se hai tapish meñ nabz-e-tavañgarī

dil ko shikva nahīñ koī tum se
ham ne rahnā nahīñ jahāñ meñ kyā

karūñ un se laakh shikve magar un se shikva karnā
na tarīqa-e-mohabbat na rivāyat-e-javānī

kar diyā gardish-e-ayyām ne rusvā 'sāhir'
mujh ko shikva hai yagāne se na begāne se

shikva na kījiye abhī apne nasīb kā
sāñsoñ kī tez aañch pe har shab guzāriye

shikva is kā to nahīñ hai jo karam chhoḌ diyā
hai sitam ye ki sitamgar ne sitam chhoḌ diyā

kaise charāġh se karūñ shikva ki jab mirī
chashm-e-nazāra bujh ga.ī manzar ke sāmne

tez haiñ to kyā ġham hai tund haiñ to shikva kyā
in havāoñ se apnā bāl-o-par kā rishta hai

jo shikva un se karnā thā vo un ke rū-ba-rū 'darshan'
zabāñ tak aate aate rah gayā harf-e-duā ho kar

be-muravvat hai zamāna us kā shikva kyuuñ kareñ
apne andar ke makīñ kā ban ke ham-sāya raheñ

terā gila na ġhair kā shikva zabāñ pe hai
kartā huuñ arz hāl-e-sitamgar ḳhafā na ho

kyuuñ hairat se taktī hai ek ik chehre ko
kyā tujh ko shikva hai terī goyā.ī kī tāqat

gila sitam kā jafā kā shikva zabāñ pe aayā tumhīñ kaho kab
ye kyuuñ hai phir ham se sargirānī ye dil meñ kaise ġhubār aayā

maiñ shikva ba-lab thā mujhe ye bhī na rahā yaad
shāyad ki mire bhūlne vaale ne kiyā yaad

jī ko rog lagā baiThā jī ke rog se martā huuñ
is meñ kisī se shikva kyā apnī karnī bhartā huuñ

mujh ko is barq se bas itnā hī shikva hai 'sabā'
āshiyāñ jal gayā kyuuñ shāḳh-e-nasheman na jalī