Tags-Shokhi

be-vaj.h nahīñ fitrat-e-shoḳhī kā guzar aaj
tum aañkh milā kar jo churāte ho nazar aaj

maañd huī rañgīn shafaq kī saarī shoḳhī
dhuāñ huā vo manzar pyārā dhīre dhīre

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

laakh fitrat ne dikhā.ī barq kī chashmak-zanī
us meñ vo shoḳhī kahāñ jo tere sharmāne meñ hai

kyā ḳhuub tavāzun chalne meñ kyā ḳhuub latāfat hañsne meñ
kyā ḳhuub adāoñ meñ shoḳhī kyā ḳhuub sharārat bātoñ meñ

jis meñ shoḳhī na sharārat na karishma na adā
aise ma.ashūq se miTTī kī hai mūrat achchhī

ḳhushī meñ ham ne ye shoḳhī kabhī nahīñ dekhī
dam-e-itāb jo rañgat tirī nikaltī hai

banā kar til ruḳh-e-raushan pe vo shoḳhī se kahte haiñ
ye kājal ham ne paarā hai charāġh-e-māh-e-tābāñ par

ik tarfa tamāshā hai mujhe shoḳhi-e-guftār
āshuftagi-e-'mīr' bhī sahne kī nahīñ hai

vo mere haath kā shoḳhī se jaanā un ke dāman tak
vo un kā naaz se kahnā ki nādānī nahīñ jaatī

sunahrī bāliyāñ shoḳhī se ruḳhsāroñ ko taktī haiñ
khanaktī chūḌiyāñ gītoñ kī mīThī dhun sunātī haiñ

kyuuñ saperā-pan tire nainoñ meñ paidā ho gayā
is qadar shoḳhī kidhar se bāñkpan meñ aa ga.ī

'zahīr' un ko hamāre dil kī har shoḳhī gavārā thī
unheñ karnā paḌegā ab hamāre dil kā mātam bhī

jis par mar miTne kī har ek qasam khātā hai
vahī shoḳhī vahī andāz banāyā hai mujhe

bebākī-o-shoḳhī bhī hai aur sharm-o-hayā bhī
do mahram-e-asrār haiñ to parda-kushā do

kalī bulbul se shoḳhī kar rahī hai
zarā phūloñ se sharmātī nahīñ hai

paas aanā gar nahīñ manzūr to aa aa ke shakl
az-rah-e-shoḳhī mujhe tū duur se dikhlā na jā