Tags-Subah

ab ham pe ḳhaak dekhiye kis dasht kī paḌe
yaañ to azān-e-sub.h sar-e-auj-e-dār dī

vo palaT ke jald na ā.eñge ye ayaañ hai tarz-e-ḳhirām se
koī gardish aisī bhī ai falak jo bulā de sub.h ko shaam se

sehr ke chāk-e-garebāñ ko dekhne ke liye
vo shaḳhs sub.h talak shab ko jāgtā thā bahut

qarīb-e-sub.h ye kah kar ajal ne aañkh jhapkā dī
are o hijr ke maare tujhe ab tak na ḳhvāb aayā

tasbīh le ke haath meñ zāhid ne sub.h kī
yaañ 'tāj' ham ne iid manā.ī tamām-rāt

paañv phailā.e hue ġham kā añdherā kyuuñ hai
aa ga.ī sub.h-e-tamannā to phir aisā kyuuñ hai

hijr kī shab ai māh-rū ro ro gineñ haiñ sub.h tak
taare ye chashm-e-ashk-bār yak do sah chaar panj o shash

sub.h-e-visāl kā bhī din dekhūñgā ai ḳhudā kabhī
ho chukīñ shām-e-intizār yak do sah chaar panj o shash

itne chehroñ meñ mujhe hai ek chehre kī talāsh
jis ko maiñ ne kho ke paayā pā ke khoyā sub.h tak

jo de ārām Tak āvārgī 'mīr'
to shām-e-ġhurbat ik sub.h-e-vatan hai

1
vo sub.h kabhī to aa.egī

bad-gumānī ne mujhe kyā kyā satāyā kyā kahūñ
sub.h ko bikhre hue dekhe the ik din mū-e-dost

azāneñ huiiñ sub.h raushan huī hai
chalo chal ke so.eñ isī yaar dil meñ

husn kī sub.h ik shikast-e-jamīl
husn kī shaam kāmrānī hai

phoḌā sā saarī raat jo paktā rahegā dil
to sub.h tak to haath lagāyā na jā.egā

sub.h-e-pīrī shaam hone aa.ī 'mīr'
tū na chetā yaañ bahut din kam rahā

qismat kī tīrgī kī kahānī na pūchhiye
sub.h-e-vatan bhī shām-e-ġharībāñ hai aaj kal

ye ek hafte kī baat hai aur kal se munnā ye kah rahā hai
ye jānvar sub.h-o-shām be-kār boltā hai

aaj kī sub.h bhī hai vaisī hī bojhal bojhal
aaj kī raat bhī āñkhoñ meñ kaTī ho jaise

āḳhir huā hai hashr bapā intizār meñ
sub.h-e-shab-e-firāq huī mārvāḌ meñ