Tags-Subah

merā ham-asr sub.h kā taarā
mere baare meñ jāntā kyā hai

vo sub.h kabhī to aa.egī
un kaalī sadiyoñ ke sar se jab raat kā āñchal Dhalkegā

bahut zarā sī sub.h bikasne ko mere
bahut zarā sā chāñd, machalne vaalā maiñ

raat bhar jāgne vāloñ ne pas-e-sham.a-e-zard
sub.h ik ḳhvāb kī sūrat kī tarah dekhī thī

aañkh kholte hī kyuuñ is qadar masarrat hai
sub.h-dam 'munavār' kyā tum ne kuchh paḌā paayā

shaam hone vaalī thī jab vo mujh se bichhḌā thā zindagī kī rāhoñ meñ
sub.h jab maiñ jaagā thā vo jo mujh se bichhḌā thā so rahā thā bāhoñ meñ

yahī sub.h aur shaam tak gar amal hai
amal terī zulfoñ kā tā-shām hogā

ye do ik balā haiñ giraftār un kā
koī sub.h hogā koī shaam hogā

yūñhī kufr har sub.h har shaam hogā
ilāhī kabhū yaañ bhī islām hogā

ham aise ahl-e-nazar ko subūt-e-haq ke liye
agar rasūl na hote to sub.h kaafī thī

chaman meñ tū rahā jab tak gulāb kī sūrat
nasīm-e-sub.h ne terā patā diyā hai mujhe

zarā sī aañkh lagī thī jo apnī āḳhir-e-shab
havā-e-sub.h ne aa kar jagā diyā hai mujhe

''ḳhvāb le lo ḳhvāb....''
sub.h hote chauk meñ jā kar lagātā huuñ sadā

sub.h se chup haiñ tire hijr-nasīb
haa.e kyā hogā agar raat aa.ī

maiñ shauq-e-vasl meñ kyā rail par shitāb aayā
ki sub.h hind meñ thā shaam pañj-āb aayā

taktī haiñ ab tak raah kisī kī
sub.h o shaam shikārī āñkheñ

qadam qadam par jhulse jhulse ḳhvāb paḌe haiñ rāhoñ meñ
sub.h ko jaise kaale kaale diye ibādat-gāhoñ meñ

merī sub.h-e-zindagī kī ik jhalak
Dūbte tāroñ meñ paa.ī jā.egī

jab sub.h kī dahlīz pe bāzār lagegā
har manzar-e-shab ḳhvāb kī dīvār lagegā

sub.h tak jaane kahāñ mujh ko uḌā kar le jaa.e
ek āñdhī jo sar-e-shām chalī hai mujh meñ