Tags-Subah

vo sub.h-o-shām kī rañgīniyāñ tamām huiiñ
sa.ūbatoñ kī kaḌī dhuup hai jahāñ guzre

kyuuñ shaam ko bāhoñ meñ ulajhne kī havas hai
kyuuñ sub.h kī palkoñ meñ koī ḳhvāb chhupā hai

1
vo sub.h kabhī to aa.egī

sub.h se le kar shaam talak yaañ ye vo galī hai jis meñ phireñ haiñ
chāk-girebāñ mu-e-pareshāñ ham se hazāroñ āshiq-e-rusvā

kaalī rātoñ meñ ujāle se mohabbat kī hai
subah kī bazm meñ apnā ye sharaf kyā kam hai

sub.h hone kī hai minnat to vo maano 'rif.at'
phuul khilne kī duā hai to duā yaad karo

inhī sub.hoñ meñ vo ik sub.h-e-navā yaad karo
phuul khilne kī duā hai to duā yaad karo

kisī dahlīz par āñkhoñ ke ye raushan diye rakh kar
zamīr-e-sub.h ko jhiñjhoḌ denā chāhte haiñ ham

kis kī ḳhalvat se nikhar kar sub.h-dam aatī hai dhuup
kaun vo ḳhush-baḳht hai jis kī mulāqātī hai dhuup

chāñd ne raat mire saath mire dukh bāñTe
sub.h sūraj ne bhī girya sar-e-dīvār kiyā

gul-e-ḳhurshīd khilā.ūñgā chalā jā.ūñgā
sub.h se haath milā.ūñgā chalā jā.ūñgā

sub.h tak maiñ sochtā huuñ shaam se
jī rahā hai kaun mere naam se

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

sochte kyā ho jalāte raho zaḳhmoñ ke charāġh
dekhte kyā ho abhī sub.h ke āsār kahāñ

aaj ghar ke ā.īne meñ sub.h se ik shaḳhs hai
aur khiḌkī meñ sitāre shaam se pechīda haiñ

libās-e-sub.h meñ hai koī rahbar-e-sādiq
jagā rahī hai añdhere ko raushnī kī pukār