Tags-Subah

sub.h-e-kāzib haiñ siyah-dil ye sabīhān-e-savād
ham hī saada haiñ ki us vaqt azaañ chāhte haiñ

tīrgī vaqt kī simTī huī ik ḳhaal meñ hai
zehn ik haal meñ hai sub.h nahīñ shaam nahīñ

ai sub.h kī kiran ye ḳhayālāt-e-zindagī
vo baat kaun thī jise ghar ghar kahā gayā

hastī kī sub.h kaun sī mahfil kā hai ma.aal
āñkheñ khulī haiñ hasrat-e-jalva liye hue

phir apne ġhuncha-e-zaḳhm-e-jigar kā kyā hogā
nasīm-e-sub.h mirī samt chal to saktī hai

har shaam zindagī kā nayā ḳhvāb le ke aa.e
har sub.h apnī maut kā manzar dikhā.ī de

qalb par jis ke numāyāñ nuur o zulmat kā nizām
munkashif jis kī farāsat par mizāj-e-sub.h-o-shām

sub.h kā farzand ḳhurshīd-e-zar-afshāñ kā alam
mehnat-e-paiham kā paimāñ saḳht-koshī kī qasam

jo sub.h-e-nau kā asīrī meñ de rahā thā payām
vo inqilāb-e-zamāna kā nāma-bar thā maiñ

sub.h se chalte chalte āḳhir shaam huī āvāra-e-dil
ab maiñ kis manzil meñ pahuñchā ab ghar kitnī duur rahā

yaad aatī hai achchhī sī koī baat sar-e-shām
phir sub.h talak sochte rahte haiñ vo kyā thī

sub.h-e-gul ho ki shām-e-mai-ḳhāna
mad.h us rū-e-nāznīñ kī hai

jeneral-sāhib
rozāna sub.h-savere

kab mahkegī fasl-e-gul kab bahkegā mai-ḳhāna
kab sub.h-e-suḳhan hogī kab shām-e-nazar hogī

dil kī ghabrāhaT nasīm-e-sub.h-dam se kam huī
vo na aa.e ġhaib se sāmān paidā ho gayā

ai ġham mujhe tamām shab-e-hijr meñ na khā
rahne de kuchh ki sub.h kā bhī nāshtā chale

sub.h kā ḳhvāb umr bhar dekhā
aur phir niiñd aa ga.ī 'anjum'

us bazm se uTh kar to qadam hī nahīñ uThtā
ghar sub.h ko pahuñche haiñ kahīñ shaam ke uTThe

ab sub.h o shaam shāyad girye pe rañg aave
rahtā hai kuchh jhamaktā ḳhūnāb chashm-e-tar meñ

misāl-e-ḳhurshīd jalva-gar hai jigar kā har ek dāġh-e-tābāñ
nazāra kar merī shām-e-ġham kā jo sub.h-e-raushan se kam nahīñ hai