Tags-Subah

dikhlā.ūñgā tamāshā is aa.ine meñ tum ko
sub.h-e-azal se dil hai mahv-e-safā-parastī

sub.h uTh kar tujhe rah-rau se lipaTnā hogā
rahbar-e-tīra-darūñ raat guzar jā.egī

muzhda-e-sub.h mubārak tumheñ ai dīda-varo
maiñ jiyūñ yā na jiyūñ raat guzar jā.egī

maiñ tirā mahram-e-asrār huuñ ai sub.h-e-bahār
jā ke phūloñ se kahūñ raat guzar jā.egī

dekheñ vo sub.h-e-amn kab aa.e 'safī'-hasan
ab tak sivā-e-jaur-o-jafā kuchh nahīñ huā

hai kitne dinoñ se ishq 'nazīr' us yaar kā ham ko jis kī haiñ
sub.h aur biran shaam aur phaban aaj aur duvah kal aur tarah

mere afkār meñ mahtāb kī tal.at ġhaltāñ
merī guftār meñ hai sub.h kī nuzhat ġhaltāñ

vo shahr-e-shab ke kināre charāġh jaltā hai
ki koī sub.h mire intizār meñ gum hai

hai mujh se garebān-e-gul-e-sub.h mo.attar
maiñ itr-e-nasīm-e-chaman o bād-e-sabā huuñ

shab zarā der se guzregī na ghabrā ai dil
sub.h ḳhud hogī numūdār Thahar jā ai dil

nek guzre mirī shab sidq-e-badan se tere
ġham nahīñ rābta-e-sub.h jo kāzib Thahre

bujhā.ūñ kyā charāġh-e-sub.h-gāhī
mire ghar shaam honī hai sahar se

sub.h ko tañg kiyā ḳhud pe zarūrat kā hisār
shaam ko phir isī mushkil se nikalte dekhā

saarī ummīd rahī jaatī hai
haa.e phir sub.h huī jaatī hai

sub.h kyā jaane kahāñ hotī hai kab hotī hai
jaane insān ne kis vaqt ye ne.amat paa.ī

sub.h paḌhtā huuñ shaam paḌhtā huuñ
tū mukammal kitāb kī sī hai

raat kī chīḳhoñ se ābād huā har ḳhitta
kab se naved-e-sub.h bechārī chīḳh rahī hai

bad-qismatoñ ko gar ho mayassar shab-e-visāl
sūraj ġhurūb hote hī zāhir ho nūr-e-sub.h

sub.h hone pe ye yaqīñ aayā
jis ko aanā thā vo nahīñ aayā

huī ye kasrat-e-ġham se talaf kaifiyat-e-shādī
ki sub.h-e-īd mujh ko bad-tar az-chāk-e-garebāñ hai