Tags-Subah

agar vo aayā to is baar sub.h mānūñgā
bahut dinoñ se mujhe shaam par lagāyā huā hai

milā thā hijr ke raste meñ sub.h kī mānind
bichhaḌ gayā thā musāfir se raat hone tak

bujh ga.ī sham.a nazar muñd ga.iiñ shab kī āñkheñ
sub.h ab aa.ī hai pushtāra-e-zar bāñdhe hue

piitā kahāñ thā sub.h-e-azal maiñ bhalā 'adam'
saaqī ke e'tibār pe lahrā ke pī gayā

adū bhī ho sabab-e-zindagī jo haq chāhe
nasīm-e-sub.h hai roġhan charāġh meñ gul ke

sub.h vaale ki shaam vaale dukh
paas mere hī aa.e jab aa.e

nasīm-e-sub.h ne kaisā ye us ko bhaḌkāyā
hanūz ātish-e-gul kā dhuāñ nahīñ ma.alūm

sub.h savere ḳhvāb meñ dekhā mujh se koī ye kahtā thā
ik tū hī barbād rahe aur jag saarā ābād rahe

sar pe sūraj aa gayā phir bhī na kholī ham ne aañkh
sub.h uThte bhī to āḳhir kis kā chehra dekhte

jis ke liye ik umr se lambī kaaTī ham ne kaalī raat
sub.h vo kyuuñ hai shām-ba-dāmāñ maiñ bhī sochūñ tū bhī soch

ban-sañvar kar kab bigaḌtā hai banāo
sub.h tak rahte haiñ jalve shaam ke

kyā kisī dargāh meñ jaanā hai aaj
sub.h se sāmān haiñ hammām ke

Tapak paḌte haiñ vaqt-e-sub.h aañsū
ye aadat misl-e-shabnam ho ga.ī hai

aa baiThtā thā suufī har sub.h mai-kade meñ
shukr-e-ḳhudā ki niklā vaañ se ḳharāb ho kar

ufuq-e-rūs se phūTī hai na.ī sub.h kī zau
shab kā tārīk jigar chaak huā jaatā hai

maut ik darinda hai zindagī balā sī hai
sub.h bhī udāsī hai shaam bhī udāsī hai

us ne aane kahā hai sub.h ai ashk
tū palak par na ek pal jaanā

ḳhuun ārzūoñ kā ghul gayā na ho 'sharqī'
sub.h-e-nau ke māthe par ahmarīñ ujālā hai

chain mutlaq nahīñ paḌtā shab-e-hijrāñ meñ mujhe
sub.h tak nāla-e-shab-gīr kiye jaatā huuñ