Tags-Subah

jaate jaate payām-bar ko
har sub.h se shaam ho ga.ī hai

likh rahā huuñ naam bachchoñ ke ġhamoñ kī jā.idād
un kī sub.h-e-zindagī ko dopahar karte hue

ḳhayāl-e-yār kī fursat bhī ab kise hai nasīb
ye phuul sub.h khilā aur bikhar gayā sar-e-shām

ye hādisa mujhe hairān kar gayā sar-e-shām
jo zaḳhm sub.h milā thā vo bhar gayā sar-e-shām

ye sub.h-o-shām mire is qadar hī mere haiñ
ki jī uThā huuñ sahar-dam to mar gayā sar-e-shām

koī nahīñ hai intizār sub.h-e-visāl ke sivā
koī talab nahīñ mujhe tere jamāl ke sivā

ḳhudā ham to shab-e-firāq se majbūr ho ga.e
is shab ko tū hī sub.h kar ab ai ḳhudā-e-sub.h

shafaq-e-sub.h se tābinda saman-zār se pūchh
raat kaaTī sū-e-gardūñ-nigrāñ bhī ham ne

abhī se sub.h-e-gulshan raqs-farmā hai nigāhoñ meñ
abhī puurī naqāb ulTī nahīñ hai shām-e-sahrā ne

muntazir āñkheñ firāq-e-yār meñ pathrā ga.iiñ
sub.h kā bhūlā palaT kar ghar jo shaam aayā to kyā

kahte haiñ sub.h-dam vo dekh ke muñh
jā-e-ā.īna āftāb milā

sub.h dekhī hai 'habīb' aur dopahar
aa.ī ab to zindagī kī shaam hai

siyāh-rāt kī tārīkiyāñ bajā lekin
navelī sub.h ke manzar ajab suhāne haiñ

hazāroñ kaam hoñ paḌhiye magar column zarūrat kā
mire bachche kā chehra sub.h ke aḳhbār jaisā hai

'mashriqī' chhoḌiye butoñ kā zikr
sub.h uTh kar ḳhudā ḳhudā kahiye

āḳhir kahāñ talak ham ik roz ho chukeñge
barsoñ se va.ada-e-shab har sub.h par rahe hai

sar ko phoḌā kiye patthar se samundar se laḌe
sub.h yuuñ shaam huī shaam se yuuñ raat huī

aah sad-afsos hai phir aam ruḳhsat ho gayā
jis ko khātā thā maiñ sub.h-o-shām ruḳhsat ho gayā

jo zulfeñ mukhḌe pe khol detā sanam hamārā to phir ye gardūñ
na din dikhātā na shab bitātā na sub.h laatā na shaam kartā

sub.h ko shaam likh diyā maiñ ne
apnā anjām likh diyā maiñ ne