Tags-Subah

zauq-e-tulū-e-sub.h bhī degī ye tīrgī tujhe
raat tavīl hai to kyā dil kā diyā jalā.e jā

habs thā koī sub.h farozāñ hone vaalī thī
shaam qadam-bosī par thī saa.e parvāz meñ the

aisā vo shoḳh hai ki uThte sub.h
jaanā so jaa.e us kī hai mo'tād

sub.h-o-shām be-ma.anī
be-sukūn-e-be-ummīd

maiñ sham-e-shab-zulm huuñ āġhāz-e-sahar tak
dil bujhne lagā sub.h kī tanvīr dikhā kar

sabab ye hote haiñ har sub.h baaġh jaane ke
sabaq paḌhāte haiñ kaliyoñ ko muskurāne ke

raat ko ghar nahīñ aatā to mire ghar vaale
sub.h ke vaqt mirī ḳhair manāne lagte

log akḌī piiTh le kar daftaroñ se chal paḌe
mez kursī ko milā ārām goyā sub.h tak

balb raushan thā andhere ko ijāzat thī nahīñ
phir bhī vo bistar ke nīche ḳhuub soyā sub.h tak

raat bhar kamre meñ maiñ dubkā rahā aur āsmāñ
merī furqat meñ mire āñgan meñ royā sub.h tak

hijr kī shab un kī aamad ke tasavvur meñ 'zahīr'
muntazir ā.ankhoñ ne dāman hī bhigoyā sub.h tak

haañ vo maiñ hī thā ki jis ne ḳhvāb Dhoyā sub.h tak
kaun thā vo jo mire bistar pe soyā sub.h tak

itne chehroñ meñ mujhe hai ek chehre kī talāsh
jis ko maiñ ne kho ke paayā pā ke khoyā sub.h tak

chāñdnī shabnam havā kī barchhiyāñ chalne ko haiñ
din ga.e kyuuñ aa.e ho jaao ruko yā sub.h tak

sub.h nazdīk hai karvaT bhī badal soch samajh kar 'ḳhālid'
zehn par āḳhir-e-shab niind kī talvār na chal jaa.e kahīñ

faqat is ḳhauf se jaatā nahīñ maiñ sub.h-e-tarab kī jānib
ufuq-e-dil se tire dard kā mahtāb na Dhal jaa.e kahīñ

ai jism-e-nāznīn-e-nigār-e-nazar-navāz
sub.h-e-shab-e-visāl terī malgujāhaTeñ

aur kuchh der Thahar jaao ki phir nashtar-e-sub.h
zaḳhm kī tarah har ik aañkh ko bedār kare

ruḳhsār-e-tar se taaza ho bāġh-e-adan kī yaad
aur us kī pahlī sub.h kī vo rasmasāhaTeñ

is se pahle ki shab-e-māh ke ThanDe saa.e
garmī-e-sub.h-e-daraḳhshāñ se pighal kar rah jaa.eñ