Tags-Subah

sub.h-e-hayāt le le ai zulf-e-yār lekin
maiñ tujh se is ke badle ik shaam chāhtā huuñ

sub.h-dam
khil uThe chāroñ taraf bachchoñ ke rañgīñ qahqahoñ aur tāliyoñ ke shoḳh phuul

jo dekhiye to zamāna hai tez-rau kitnā
tulū-e-sub.h abhī hai to vaqt-e-shām abhī

tum samajhte ho ye shab aap hī Dhal jā.egī
ḳhud hī ubhregā na.ī sub.h kā zarrīñ parcham

muñh khole to roz hai raushan zulf bikhere raat hai phir
in tauroñ se āshiq kyūñ-kar sub.h ko apnī shaam kareñ

vasl kī shab jo huī sub.h yakāyak to huā
maiñ idhar zard udhar rū-e-dilārām safed

kaun sī shaam nahīñ sub.h huī ai maġhrūr
ek din hotī hai ye zulf-e-siyah-fām safed

bas-ki us but kī tabī.at hai zamāne se ḳhilāf
sub.h poshāk siyah hai to sar-e-shām safed

justujū ko tū sub.h roz ugā
is meñ shāyad kabhī to taab aa.e

huī jo sub.h to ashkoñ se jagmagā uTThī
jo aa.ī shaam to yādoñ se mushk-bār ga.ī

ek aḳhbār bhī aaj aisā nahīñ
de ḳhabar sub.h kī raushnī ghol kar

allāh re ashk-bārī-e-sham-e-shab-e-firāq
jo sub.h hote hote ik afsāna ho ga.ī

udaas shāmoñ kī sard rātoñ meñ tere ushshāq dekhte haiñ
palak jhapakte hue darīchoñ meñ sub.h karte hue zamāne

sub.h-e-rāhat ke tasavvur ke tufail
har shab-e-ġham muḳhtasar ho jā.egī

zarā sī raushnī phūTī to sub.h-dam sūraj
fazā meñ Duub gayā āstīñ chaḌhāte hue

sub.h hote hī sabhī ghar ko ravāna hoñge
qissa-e-daur-e-ḳharābāt kahāñ tak jaatā

kaav kāv-e-saḳht-jānī hā.e-tanhā.ī na pūchh
sub.h karnā shaam kā laanā hai jū-e-shīr kā

kyā zamāna thā udhar shaam idhar haath meñ jaam
sub.h tak daur chalā karte the paimānoñ ke

kiyā hasrat se ruḳhsat sub.h ke tāroñ ko ye kah
ki jis kā shaam se thā aasrā ab tak nahīñ aayā

sahar hote bujhā.e kaun ai sham-e-lahad tujh ko
koī jhoñkā nasīm-e-sub.h kā ab tak nahīñ aayā