Tags-Subah

us ke jamāl kā thā din merā vajūd aur phir
sub.h se dhuup bhī ga.ī raat se chāñdnī ga.ī

shaam ko saaqī kabhī aatā hai gar terā ḳhayāl
sub.h tak bhī hosh meñ apne nahīñ aate haiñ ham

ham taul baiThe sub.h-dam insāñ ko saa.e se
sūraj ke sar pe aate hī saayā simaT gayā

kyā batā.eñ ki thī kyā sub.h-e-azal vo sūrat
is kaḌī dhuup meñ aariz kī shafaq yaad nahīñ

sub.h-dam aaj
mirī niiñd bharī aañkh

'vahshat' us bazm meñ rahe the raat
sub.h nikle haiñ dard-e-sar le kar

kyā baḌhegā vo tasavvur kī hadoñ se aage
sub.h ko dekh ke yaad aa.e jise shaam kī baat

ārzūoñ kā hasīñ paikar tarāsh
ik sarāb-e-sub.h kā manzar tarāsh

niiñd kuchh kar le ki taaza aañkh pe sūraj khule
sub.h sāhil par utarnā hai to is kashtī meñ aa

kabhī kabhī to havas sub.h-dam uchhāltī hai
vo ashk jin meñ koī gauhar-e-vafā bhī nahīñ

sitāre DhūñDte haiñ un kā āñchal
shamīm-e-sub.h dāman chūmtī hai

qismat meñ apnī sub.h kī ab raushnī kahāñ
ashkoñ ke bhī diye na jalā.eñ to kyā kareñ

bojhal āñkheñ kab tak āḳhir niiñd ke vaar bachā.eñgī
phir vahī sab kuchh dekhnā hogā sub.h se jo kuchh dekhā hai

raat bhārī thī to the us ke sitam se be-zār
sub.h aa.ī hai to vo aur burī lagtī hai

talāsh phir koī khoī sī rahguzār meñ thī
phir aaj ik shaam sub.h ke intizār meñ thī

nuur anqā hai shab-e-hijr kī tārīkī meñ
jalva-e-sub.h ke āsār kahāñ se lā.ūñ

sub.h aatā huuñ yahāñ aur shaam ho jaane ke ba.ad
lauT jaatā huuñ maiñ ghar nākām ho jaane ke ba.ad

sub.h kī shart pe manzūr haiñ rāteñ ham ko
phuul khilte hoñ to kuchh roz ḳhizāñ aur sahī

sub.h-dam jis ne uchhālā thā fazā meñ ḳhurshed
dil sar-e-shām usī baam pe Dhalnā chāhe

tharrā ke sham-e-anjuman-e-aish bujh ga.ī
nairañg-e-nūr-e-sub.h-o-manzar dikhā gayā