Tags-Taghaful

dil bhī le kar alam-e-āh muqābil pahuñchā
neza-bāzān-e-mizha jab ba-taġhāful pahuñche

dil se arbāb-e-vafā kā hai bhulānā mushkil
ham ne ye un ke taġhāful ko sunā rakkhā hai

kisī kī shān-e-taġhāful se hai vaqār-e-nāz
umiid nāma-o-paiġhām kī nahīñ achchhī

zaḳhmī-e-teġh-e-taġhāful par nazar jamtī nahīñ
chashm-e-sozan band hotī hai jarāhat dekh kar

taġhāful par taġhāful ho rahe haiñ
kisī kī dil-lagī hai aur maiñ huuñ

jab kahā maiñ ne o taġhāful-kesh
haal hai mere ishq kā ma.alūm

huuñ giraftār-e-kamīñ-gāh-e-taġhāful ki jahāñ
ḳhvāb sayyād se parvāz-e-girānī māñge

is darja taġhāful kī nahīñ taab jigar ko
tum aur bahāne na banāo ki chalā maiñ

maiñ roz jis ke taġhāful kā ronā rotā huuñ
vo shaḳhs ġhaur se dekhe to dam nikaltā hai

na rah ġhāfil tuuñ apne 'mubtalā' suuñ
tujhe tere taġhāful kī qasam hai

ye mujh ko us ke taġhāful se hai yaqīn ki haa.e
javāb-nāme so ai naame kā javāb nahīñ

kuchh taġhāful bhī ḳhabardārī meñ shāmil kījiye
varna kar Dālegā pāgal vāhima TuuTā huā

ai sarīr-e-qalam ai zamīr-e-jahāñ aap apnī zabāñ meñ jo likhnā ho likh
kitne ahvāl haiñ nā-navishta abhī kyā munāsib hai un se taġhāful kareñ

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

taġhāful is ko kahte haiñ ki us ne
mujhe dekhā na mahfil meñ udū ko

aao yād-e-butāñ pa bhuul na jaao
ye taġhāful-shi.ār hote haiñ

bahār nazr-e-taġhāful huī ḳhizāñ Thahrī
ḳhizāñ shahīd-e-tabassum huī bahār huī

ye bhī andāz-e-taġhāful aur talavvun kī dalīl
jo bahut pyārā thā ab vo lā.eq-e-tāzīr hai

shikāyat kyā karūñ saaqī se maiñ us ke taġhāful kī
mire hoñToñ ke hisse hī meñ ḳhālī jaam likkhā hai