Tags-Taghaful

hai taġhāful hī kā tere faiz kuchh
rafta rafta maiñ ġhazal-ḳhvāñ ho gayā

ham taġhāful ko ibtidā samjhe
aur vo dard kī davā samjhe

rusvā na e.atibār-e-taġhāful ko kījiye
kyā fā.eda ki pursish-e-dil gaah gaah ho

vahī un kā taġhāful paiham
vahī apnī gila-guzārī hai

bahut dinoñ meñ taġhāful ne tere paidā kī
vo ik nigah ki ba-zāhir nigāh se kam hai

hai taġhāful ki tavajjoh nahīñ khulne paatā
husn-e-ma.asūm kī bedād-garī to dekho

kiyā hai chaak dil teġh-e-taġhāful siiñ tujh añkhiyoñ niiñ
nigah ke rishta o sozan suuñ palkāñ ke rafū kiije

vaañ bū-e-vafā vahm ko sah chand karegī
yaañ rañg-e-taġhāful pe gumāñ aur bhī hoñge

'sāġhar' kisī ke husn-e-taġhāful-shi.ār kī
bahkī huī adā huuñ mujhe yaad kījiye

jo roknā ho to aa baḌh ke rok le varna
tire hudūd-e-taġhāful se jā rahā hai koī

niyāz-e-mohabbat se ye be-niyāzī ḳhulūs-e-mohabbat se itnā taġhāful
mirā dard tum ne mirā haal tum ne na jaanā na samjhā na pūchhā na dekhā

taġhāful aur karam donoñ barābar kaam karte the
jigar ke zaḳhm bharte the to dil ke daaġh ubharte the

uf vo purkār jo sunte hī taġhāful kā gila
ishva-o-nāz ko ta.alīm-e-pashīmānī de

zindagī mere taġhāful se to nārāz na ho
tujh se kyā pūchhtā maiñ apnī ḳhabar hone tak

mujh ko ḳhush-fahmī nahīñ hai ai havā phir bhī batā
muztarib hai vo taġhāful āshnā kis ke liye

ye tavajjoh bhī tirī husn-e-gurezāñ kī tarah
ye taġhāful bhī mirī hausla-afzā.ī hai

kyuuñ na vahshat-e-ġhālib bāj-ḳhvāh-e-taskīñ ho
kushta-e-taġhāful ko ḳhasm-e-ḳhūñ-bahā paayā

sādgī o purkārī be-ḳhudī o hushyārī
husn ko taġhāful meñ jur.at-āzmā paayā

taġhāful aur sitam ke badle hai andāz dildārī
sambhal ai shauq-e-be-pāyāñ tirā ab imtihāñ hogā