Tags-Taghaful

kyā shikāyat tire taġhāful kī
ḳhatm merā shabāb honā thā

sar-e-anjuman taġhāful kā sila bhī de ga.ī hai
vo nigah jo dar-haqīqat thī nigāh se ziyāda

ham ne maanā ki taġhāful terī aadat hai zarūr
terī uftād meñ shoḳhī-o-sharārat hai zarūr

na ahl-e-haram ne madad kī hamārī na ahl-e-kalīsā ne ġham-ḳhvāriyāñ kiiñ
agar tū bhī tarz-e-taġhāful na chhoḌe kahāñ jaa.eñ phir ham musībat ke maare

iisā tilism husn taġhāful hai zīnhār
juz pusht chashm nusḳha arz davā na maañg

maiñ chalā aayā tirā husn-e-taġhāful le kar
ab tirī anjuman-e-nāz meñ rakkhā kyā hai

sādiq huuñ mujhe bul-havas ai jaan tuuñ mat jaan
shamshīr-e-taġhāful dil-e-zaḳhmī pe chalā dekh

mujhe shikva nahīñ be-rahm kuchh tere taġhāful se
khule-bandoñ phire tū haal kyā jaane asīroñ kā

adāvateñ thīñ, taġhāful thaa, ranjisheñ thiiñ bahut
bichhaḌne vaale meñ sab kuchh thaa, bevafā.ī na thī

raah takte takte āḳhir jaañ ga.ī
vo taġhāful-kesh bas aatā rahā

lutf-e-bedād hayā ġhussa taġhāful shoḳhī
rañg kyā kyā na talavvun ne adā ke badle

nūr-e-charāġh tāq-e-taġhāful dil tārīk na kar
bol kuchh ai māh-e-yaktā.ī ham majbūroñ se

istilāhāt-e-asīrān-e-taġhāful mat pūchh
jo girah aap na kholī use mushkil bāñdhā

tire taġhāful kī hī badaulat huuñ aaj jo huuñ
mujhe koī janm-zāt kāfir na jaan allāh

kahīñ par taġhāful kahīñ par tabassum
kisī kī bigāḌī kisī kī banā dī

tirī shān-e-taġhāful ko ḳhabar kyā
koī tere liye be-kal rahā hai

ma.ani-e-be-muravvatī-e-butāñ
us taġhāful-panāh se pūchho

āñkhoñ se manāzir kā tasalsul nahīñ TuuTā
maiñ luT gayā par terā taġhāful nahīñ TuuTā

ummīd-o-bīm meñ kitne kañval hue raushan
tumhārī chashm-e-taġhāful jahāñ jahāñ Thahrī