Tags-Tauba

tauba kī isyāñ se ab pūchhegā kaun
jam.a kī thī jitnī daulat kho chukā

kar lī hai tauba is liye vaa.iz ke sāmne
ilzām-e-tishnagī mire saaqī ke sar na jaa.e

ehtirāman zindagī ko muñh lagānā hī paḌā
varna ham aur zindagī kā zahr tauba kījiye

subū par jaam par shīshe pe paimāne pe kyā guzrī
na jaane maiñ ne tauba kī to mai-ḳhāne pe kyā guzrī

yārab tire karam se ye saudā kareñge ham
duniyā meñ pī ke ḳhuld meñ tauba kareñge ham

yaad aa jaatī hai ḳhud apnī nikhartī tauba
jaam meñ jab mai-e-ḳhush-rañg bharī hotī hai

tauba kar lī bharī javānī meñ
koī mujh sā bhī pārsā hogā

nigāheñ is qadar qātil ki uff uff
adā.eñ is qadar pyārī ki tauba

be-niyāzī ab ḳhatā-kāroñ kī himmat baḌh ga.ī
bāb-e-tauba kuchh dinoñ masdūd honā chāhiye

un vā.izoñ kī zid se ham ab kī bahār meñ
toḌeñge tauba pīr-e-muġhāñ kī dukān par

fatvā talab ai yaar na qaazī se karūñ maiñ
tauba-shikanī ko hai mirī mul kī ishārat

abhī se tauba abhī se taqvā abhī se kyā fikr-e-dīn-o-uqbā
na.ī umañgeñ na.ī tarañgeñ na.ī javānī hai aur ham haiñ

tāna-e-isyāñ dene vaalo ek nazar is par bhī Daalo
merī tauba ke shīshe par fitrat ne ḳhud patthar pheñkā

ye kahne vaale kahte haiñ ki tauba kar chuke 'bismil'
magar dekhe ga.e haiñ mai-kade meñ baar baar ab tak

kuchh maze meñ ham aa ga.e aise
tauba piine se ham ne kī hī nahīñ

tirī ḳhātir se zāhid ham ne tauba aaj kī varna
ghaḌī bhar ġham ġhalat karne ko bas vo chiiz thī achchhī

zamāna fasl-e-gul kā aur āġhāz-e-shabāb apnā
abhī se tū ne tauba kī bhī ai zāhid kahī achchhī

pashemān tauba se hogā adam meñ
ki ġhāfil chalā shaiḳh lutf-e-havā se

gunāhoñ se tauba karo vaqt rahte
vagarna to dozaḳh kā rasta khulā hai

ek ham aur ye dushnām-tarāzī tauba
apne atrāf rahe ā.ina-ḳhāne kitne