Tags-Tauba

nahīñ hai ab tāb-e-zabt baaqī kahīñ maiñ tauba na toḌ baiThūñ
tirā ishāra nahīñ ye saaqī to kyuuñ ghaTā muskurā rahī hai

kyā mājrā hai ai but-e-tauba-shikan ki aaj
charche tirī galī meñ kisī pārsā ke haiñ

yā ḳhudā kyā hai sāhirī tauba
ḳhud hī bhar-bhar ke lauTtī ḳhushbū

phir sar-e-bazm koī jām-ba-kaf aatā hai
tark-e-tauba ke tasavvur pe pasīna aayā

kī mire ba.ad qatl se tauba
āḳhirī tiir thā kamān meñ kyā

un ko ye aarzū are tauba
maiñ kahūñ aarzū bharā huuñ maiñ

ham se mai-kash jo tauba kar baiTheñ
phir ye kār-e-savāb kaun kare

āḳhir haiñ kaun log jo baḳhshe hī jā.eñge
tārīḳh ke harām se tauba kiye baġhair

maiñ apne gunāhoñ pe nādim nahīñ huuñ
ye tauba to terī mohabbat meñ kī hai

ġhalatiyoñ kī sazā jab bhugatnī paḌī
kar ke tauba vo apnī ḳhatā se chalā

ġhāfil itnā husn pe ġhurra dhyān kidhar hai tauba kar
āḳhir ik din sūrat ye sab miTTī meñ mil jā.egī

buto tauba karo tum kyā ho jab e'tibār aatā hai
tū yūsuf sā hasīñ bikne sar-e-bāzār aatā hai

mashiyyat ko nahīñ manzūr do din pārsā rakhnā
idhar kī maiñ ne tauba aur udhar fauran bahār aa.ī

kashish-e-lucknow are tauba
phir vahī ham vahī amīnābād

paimāna-o-mīnā kī sūrat meñ 'ra.īs' āḳhir
TuuTī huī tauba kī tasvīr nazar aa.ī

aa ga.ī kaalī ghaTā jhuum ke mai-ḳhāne par
tauba kahtī hai ki mujh ko bhī pilā.e koī

duḳhtar-e-raz ne diye chhīñTe kuchh aise sāqiyā
paanī paanī ho ga.ī tauba har ik mai-ḳhvār kī

ai but-e-tauba-shikan maiñ tujh se mil kar sochtā huuñ
phuul meñ hotī nazākat kaash patthar se ziyāda

'nasīr' ḳhaam hai ab bhī ḳhayāl tauba kā
fuzūl toḌ diye sāġhar-o-subū ham ne

dar-e-tauba se bagūloñ kī tarah guzre log
abr kī tarah umaD aa.e jo mai-ḳhāna khulā