Tags-Travel

kahīñ kahīñ koī rabt-e-maḳhfī ibārat-e-muntashar meñ rakh de
gurez par haiñ nishān saare taraf bhī koī safar meñ rakh de

jab se dekhā hai ḳhvāb meñ us ko
dil musalsal kisī safar meñ hai

ai 'razā' ḳhud ko asīr-e-rahguzar kahnā paḌā
vaqt aise rāhzan ko ham-safar kahnā paḌā

mire nasīb kā hai yā sitāra ḳhvāb kā hai
safar ke baab meñ lekin sahārā ḳhvāb kā hai

kār-e-jahāñ hameñ bhī bahut the safar kī shaam
us ne bhī iltifāt ziyāda nahīñ kiyā

mālūm kise shahr-e-tilismāt kā rasta
kuchh duur mire saath to mahtāb-e-safar aa.e

ham apne saath jaa.eñ bhī kahāñ tak
hamārā ham-safar koī nahīñ hai

ik ik kar ke sab raste kitne sunsān hue
yaad aayā maiñ lambe safar par jaane vaalā thā

kuchh is qadar nahīñ safar-e-hastī-o-adam
gar paañv uThā.iye to ye arsa hai do qadam

zindagī tishnagī kā safar hai
jis ke dāman meñ

manzil-e-zīst tujhe maiñ na karūñgā māyūs
maiñ na pahuñchā to mirī gard-e-safar jā.egī

maiñ sochtā huuñ daraḳhtoñ kī chhāñv meñ 'shāhīñ'
ki tai tamām safar sirf karne par hogā

safar is bazm se karne ko phir raj.at kī Thānī hai
gale phir aaj milne sham.a se parvāna aa pahuñchā

mire zauq-e-safar kā pūchhnā kyā
nigāhoñ meñ mirī manzil nahīñ hai

ādāb-e-qāfila bhī haiñ zanjīr-e-pā-e-shauq
ye kyā safar asīr-e-sadā-e-jaras chale

har haal meñ maqsad hai safar mahv-e-safar haiñ
nākāmi-e-paiham kā gilā bhī nahīñ karte

yuuñ sunā jā hai ki kartā hai safar kā azm-jazm
saath ab begāna vaz.oñ ke hamārā āshnā

har gaam pe vo husn kī pur-hosh nigāheñ
vo ishq kā bad-mast safar yaad to hogā

labbaik kahe nāqa-e-lailā ko bhalā kaun
ab qais koī gard-e-safar se nahīñ uThtā

safar kī mujh se kyā kahte ho jaao
karūñ kyā gar huā hai kārvāñ jam.a