English
Favourite
Favourite
UrduShayarUrduShayar
Expand menu
Sign inAccount

Tags-Travel

nizām-e-gardish-e-daurāñ mirā muqaddar hai
maiñ ik sitāre kī sūrat safar meñ raushan huuñ
Ghazal
 dayar-e-sham na burj-e-saher mein raushan hun
safar pe niklūñ to rasm-e-safar badal jaa.e
kināra baḌh ke kabhī ḳhud hī ham-kanār bhī ho
Ghazal
 main TuT kar use chahun ye iKHtiyar bhi ho
maiñ us ke saath ko har lamha mo'tabar jānūñ
vo ham-safar hai to mujh sā hī be-dayār bhī ho
Ghazal
 main TuT kar use chahun ye iKHtiyar bhi ho
azm-e-safar hai dhuup kā sahrā hai aur maiñ
dariyā to saath chhoḌ gayā darmiyān se
Ghazal
 Takra rahi hain tez hawaen chaTan se
vahāñ vahāñ bhī mujhe le gayā hai shauq-e-safar
kabhī jahāñ se koī qāfila nahīñ guzrā
Ghazal
 dil o nazar pe tere baad kya nahin guzra
vo koī ḳhaas chamak DhūñDhtā rahā 'zīshān'
hamārī aañkh safar kā ġhubār laa.ī thī
Ghazal
 kahan bashaarat-e-fasl-e-bahaar lai thi
kabhī do chaar qadmoñ kā safar tai ho nahīñ paatā
kabhī mīloñ se lambā fāsla kuchh bhī nahīñ hotā
Ghazal
 dil-e-barham ki KHatir muddaa kuchh bhi nahin hota
safar-girafta rahe kushtagān-e-nān-o-namak
hamāre haq meñ koī faisla na kartā thā
Sher
 safar-girafta rahe kushtagan-e-nan-o-namak
bahnā paḌegā vaqt ke dhāre ke saath saath
ban us kā ham-safar ki zamāna ḳharāb hai
Ghazal
 hadd-e-sitam na kar ki zamana KHarab hai
savād-e-shab meñ ik āvāz par huuñ garm-e-safar
asīr-e-zulf na āvāra-e-bahār huuñ maiñ
Ghazal
 nigah aaina hai aks-e-mustaar hun main
ek umr bhar meñ tai ye safar muḳhtasar huā
shahr-e-ḳhamoshāñ ghar se bahut duur to na thā
Sher
 ek umr bhar mein tai ye safar muKHtasar hua
guftugū achchhī lagī zauq-e-nazar achchhā lagā
muddatoñ ke baad koī ham-safar achchhā lagā
Ghazal
 guftugu achchhi lagi zauq-e-nazar achchha laga
ye husn-e-ḳhatm-e-safar ye tilism-ḳhāna-e-rañg
ki aañkh jhapkūñ to manzar nayā hai mere liye
Ghazal
 tamam rasta phulon bhara hai mere liye
mujhe bichhaḌne kā ġham to rahegā ham-safro
magar safar kā taqāzā judā hai mere liye
Ghazal
 tamam rasta phulon bhara hai mere liye
safar meñ gard chhaTī rāsta dikhā.ī diyā
aur is ke ba.ad mujhe dūsrā dikhā.ī diyā
Ghazal
 safar mein gard chhaTi rasta dikhai diya
umr bhar safar hī to phir nasīb hotā hai
ghar se jab nikal jaa.eñ āshiyāñ nahīñ milte
Ghazal
 zindagi ke sahra mein kuchh nishan nahin milte
safar se lauTe to jaise yaqīñ nahīñ aatā
ki saarī umr isī shahr meñ guzārī thī
Ghazal
 bichhaDte waqt to kuchh usMein gham-gusari thi
jabīn-e-shauq pe gard-e-malāl chāhtī hai
mirī hayāt safar kā ma.aal chāhtī hai
Ghazal
 jabin-e-shauq pe gard-e-malal chahti hai
jidhar jaate haiñ sab jaanā udhar achchhā nahīñ lagtā
mujhe pāmāl rastoñ kā safar achchhā nahīñ lagtā
Ghazal
 jidhar jate hain sab jaana udhar achchha nahin lagta
ishq meñ kaun dil jalā.e ab
vajd meñ ik safar se miltā huuñ
Ghazal
 roz main ek shajar se milta hun
Top Urdushayar.com