English
Favourite
Favourite
UrduShayarUrduShayar
Expand menu
Sign inAccount

Tags-Travel

tark-e-safar pe raah se ye bad-duā milī
bistar meñ tere paañv kā talvā jalā kare
Ghazal
 jaan tan ka sath de na to dil hi wafa kare
sab dekh sun chukā magar ab bhī safar meñ huuñ
qadmoñ ko kaun rāhguzar se judā kare
Ghazal
 jaan tan ka sath de na to dil hi wafa kare
safar kā marhala jo ho jahāñ par likh diyā jaa.e
usī manzil pe aa kar zindagī kā dam nikaltā hai
Ghazal
 faqat mehnat mashaqqat ka natija kam nikalta hai
mohabbat ke safar meñ jab kahīñ par moḌ aa jaa.e
sunā ye hai vahīñ se hijr kā mausam nikaltā hai
Ghazal
 faqat mehnat mashaqqat ka natija kam nikalta hai
safar pe nikle haiñ ham puure ehtimām ke saath
ham apne ghar se kafan saath le ke aa.e haiñ
Sher
 safar pe nikle hain hum pure ehtimam ke sath
vo kaise musāfir the ki be-zād-e-safar the
siine pe koī bār-e-tamannā bhī nahīñ thā
Ghazal
 jaise kisi tufan ka KHadsha bhi nahin tha
safar kaḌā hai chaltā chal
kaun hai kis ke saath na pūchh
Ghazal
 yar hamari baat na puchh
imkān-e-vajūd ke safar par
nikle to muhāl ho ga.e ham
Ghazal
 paimana-e-haal ho gae hum
sahrā kā safar thā to shajar kyuuñ nahīñ aayā
māñgī thiiñ duā.eñ to asar kyuuñ nahīñ aayā
Sher
 sahra ka safar tha to shajar kyun nahin aaya
ye zindagī hai 'qamar' yā ki jañgaloñ kā safar
har ek lamha yahāñ rāh-e-pur-ḳhatar meñ rahe
Ghazal
 misal-e-KHwab hamesha kisi safar mein rahe
misāl-e-ḳhvāb hamesha kisī safar meñ rahe
ham apnī niiñd meñ bhī us kī rahguzar meñ rahe
Ghazal
 misal-e-KHwab hamesha kisi safar mein rahe
tum ek hī libās nahīñ pahan sakte
aur vo hai safar
Nazm
 tajdid-3
dil ke safar meñ lahū kā dariyā paar kiyā
us ke aage sahrā meñ sahrā niklā
Ghazal
 ishq to sari umr ka ek pesha nikla
allāh allāh ye safar ye raah ye dushvāriyāñ
vaqt ke shānoñ pe ik bār-e-girāñ hai zindagī
Ghazal
 talKHi-e-haalat-e-dauran ka bayan hai zindagi
ham-safar koī nahīñ to shor-o-shar kis ke liye
ai musāfir ye sadā-e-rahguzar kis ke liye
Ghazal
 ham-safar koi nahin to shor-o-shar kis ke liye
vo log 'sabīla' ke jo bichhḌe haiñ safar meñ
aksar unhīñ kī yaad dilāte haiñ mujhe ḳhvāb
Ghazal
 aankhon mein wo aaen to hansate hain mujhe KHwab
rāh-rau chup haiñ rāhbar ḳhāmosh
kaise guzregā ye safar ḳhāmosh
Ghazal
 rah-rau chup hain rahbar KHamosh
har taraf phailā huā be-samt be-manzil safar
bhiiḌ meñ rahnā magar ḳhud ko akelā dekhnā
Sher
 har taraf phaila hua be-samt be-manzil safar
aap kā koī safar be-samt be-manzil na ho
zindagī aisī na jiinā jis kā mustaqbil na ho
Sher
 aap ka koi safar be-samt be-manzil na ho
ajiib dhund hai dasht-e-safar pe chhā.ī huī
na ḳhatm hotā hai rasta na ghar nikaltā hai
Ghazal
 sharik-e-gham koi kab moatabar nikalta hai
Top Urdushayar.com