Tags-Visaal

hamāre siine meñ jo rah ga.ī thī ātish-e-hijr
shab-e-visāl bhī us ko na ham-kanār kiyā

na aa.e raah pe vo ijz be-shumār kiyā
shab-e-visāl bhī maiñ ne to intizār kiyā

āñkhoñ ne phuuT phuuT ke sab haal kah diyā
ain-e-visāl meñ bhī yahāñ ḳhāmushī nahīñ

jo visāl-o-hijr se duur hai jo karam sitam se hai be-ḳhabar
kuchh uThā huā hai vo dard bhī kuchh uThī huī vo nazar bhī hai

ye visāl-o-hijr kī bahs kyā ki ajiib chiiz hai ishq bhī
tujhe pā ke hai vahī dard-e-dil vahī rañg-e-zaḳhm-e-jigar bhī hai

hue jo ye mubtalā-e-ulfat asiir dām-e-visāl ke haiñ
havā-e-zulf-e-ḳhayāl-e-jānāñ banī huī tauq-e-gardnī hai

ġham-e-firāq kī saḳhtī visāl se badle
jo maut aa.e mujhe merī zindagī ho jaa.e

diid un kī hai visāl un kā tasavvur un kā
jaan un kī hai jigar un kā hai tan-man un kā

zamīn-e-ishq pe ai abr-e-e.atibār baras
visāl-e-yār kā bah jaa.e intizār baras

ḳhudā kare na kabhī mil sake davām-e-visāl
jiyeñge ḳhaak agar tere ḳhvāb hī se ga.e

gar na thī hijr meñ ummīd-e-visāl
jiite rahne kā huā kyā baa.is

likhā tumhīñ ne qafas ko maqām-e-āgāhī
visāl-e-dār kī shab sub.h kī azaañ likkhā

do alag lafz nahīñ hijr o visāl
ek meñ ek kī goyā.ī hai

hijr meñ ho gayā visāl kā kyā
ḳhvāb hī ban gayā ḳhayāl kā kyā

aaj tum kyuuñ malūl baiThe ho
vasl din hai mire visāl kā kyā

terī furqat ke din ḳhudā kaaTe
ho rahegā kabhī visāl kā kyā

maza visāl kā kyā gar firāq-e-yār na ho
nahīñ hai nashe kī kuchh qadr agar ḳhumār na ho

'farāz' ishq kī duniyā to ḳhūb-sūrat thī
ye kis ne fitna-e-hijr-o-visāl rakkhā hai

mirī raakh se na.ī raushnī kī hikāyatoñ ko sameT le
maiñ charāġh-e-sub.h-e-visāl thā tirī ḳhema-gāh meñ jal-bujhā

na taab hijr kī rakhtā huuñ ne umīd-e-visāl
ḳhudā hī jaane ki kyā hogā us kā āḳhir-kār