Tags-Visaal

abhī se tujh ko paḌī hai visāl kī mirī jaañ
abhī to hijr ne unvān hī nahīñ paayā

jīte-jī us se āshiq-e-mahjūr
kab umīd-e-visāl rakhtā hai

aaj shab-e-visāl hai dekheñge aap hijr bhī
aag jalā ke ishq kī is meñ davām Daal duuñ

shab-e-visāl kahāñ ḳhvāb-e-nāz kā mauqa.a
tumhārī niiñd ko aate hayā nahīñ aatī

sabhī mausamoñ se guzar gayā koī bojh dil pe liye hue
mujhe raas aa.ī na rut koī na vo hijr kī na visāl kī

mire chāra-gar tujhe kyā ḳhabar, jo azāb-e-hijr-o-visāl hai
ye darīda tan ye darīda man tirī chāhatoñ kā kamāl hai

ārzū-e-visāl kyā kahiye
zehn kā intiqāl kyā kahiye

firāq meñ to satātī hai ārzū-e-visāl
shab-e-visāl meñ kyuuñ dard-e-dil do-chand huā

tirā vasl hai mujhe be-ḳhudī tirā hijr hai mujhe āgahī
tirā vasl mujh ko firāq hai tirā hijr mujh ko visāl hai

guzar kuchh aur bhī āhista ai nigār-e-visāl
ki ek umr se maiñ tere intizār meñ thā

vo daur-e-visāl aah kidhar hai ki ham aur vo
duniyā meñ na the nāma-o-paiġhām se vāqif

kabhī pahroñ us kā bas ik usī kā ḳhayāl thā
vo jo hijr the jo visāl the vo kahāñ ga.e

shām-e-visāl dost kahāñ kho ga.ī 'shamīm'
vīrānī-e-hayāt kī is dopahar se pūchh

na millat hai na maz.hab hai na hai matlab koī apnā
visāl-e-yār maz.hab hai aur hai dīdār se matlab

shab-e-visāl lagāyā jo un ko siine se
to hañs ke bole alag baiThiye qarīne se

saa.e ko dhuup dhuup ko saayā banā liyā
ik lamha-e-visāl ne kyā kyā banā liyā

tū firāq kī saa.at nā-tamām qurbat meñ
maiñ visāl kā lamha dūriyoñ meñ zinda huuñ

batā.eñ kyā tumheñ kyuuñ kar gale lagā.eñge
batā.eñ kyā tumheñ roz-e-visāl kyā hogā

vo sin hī kyā hai samajh ho jo aisī bātoñ kī
vo pūchhte haiñ ki roz-e-visāl kyā hogā

yahī hai un kī nazākat to haal kyā hogā
mujhe ye Dar hai ki vaqt-e-visāl kyā hogā