Tags-Visaal

ubhartī Dūbtī guzre hue visāl kī naav
badan ke bahr meñ paḌtā huā bhañvar koī

narm havā pe yuuñ khule kuchh tire pairahan ke raaz
sab tire jism-e-nāz ke rāz-e-visāl le ga.ī

hijr o visāl o nek o bad gardish-e-sad-hazār-o-sad
tujh ko kahāñ kahāñ mire sarv-e-kamāl le ga.ī

ye kyā ġhazab hai ki jis ne ahd-e-bahār chāhā na ishq dekhā
nizām-e-hijr-o-visāl saarā usī ke hāthoñ meñ aa gayā hai

visāl-rut kī kamā.ī samajh meñ aane lagī
judā hue to judā.ī samajh meñ aane lagī

ġham-e-firāq kī saḳhtī visāl se badle
jo maut aa.e mujhe merī zindagī ho jaa.e

nākāmī-e-visāl kā paiġhām hai mujhe
shīrīñ kā zikr bhī na karo kohkan ke saath

kahīñ visāl kī sūrat agar dikhā.ī dī
nikal paḌūñgā na sham-e-sahar uThā kar maiñ

ḳhushā vo raunaq-e-hañgāma-e-visāl ab to
yaqīn hī nahīñ aatā ki yuuñ huā hogā

aa.ī phir nāfa-e-imroz se ḳhushbu-e-visāl
khul gayā phir koī dar band pazīrā.ī kā

safarī apne aap se thā maiñ
hijr kis kā visāl kis kā thā

na malāl-e-hijr na muntazir haiñ havā-e-shām-e-visāl ke
ham asiir apnī hī zaat ke kisī ḳhvāb ke na ḳhayāl ke

abhī rañg-e-rabt ayaañ hai qaus-e-ḳhayāl se
mujhe aur uupar uchhāl sat.h-e-visāl se

hijr kī shaam bhī siine se lagā letā huuñ
kyā ḳhabar yūñhī kabhī shām-e-visāl aa jaa.e

maiñ sargirāñ thā hijr kī rātoñ ke qarz se
māyūs ho ke lauT ga.e din visāl ke

shab-e-visāl bhī manzil hai mere zauq-e-safar
mujhe visāl se aage kī intihā.ī de

ye kis maqām pe pahuñchī hai justujū dil kī
visāl rut thī magar sogvār guzrī hai

hamāre biich ye uqda na khul sakā ab tak
kise visāl kise hijr kī zarūrat hai

unheñ sar-e-rah akelā pā kar ye bolā chhātī se maiñ lagā kar
ki ab to farmā deñ banda-parvar visāl meñ qīl-o-qāl kyā hai

kabhī hai aaj aur kal kabhī hai bhalā ye ahd-e-visāl kyā hai
ho va.ada iifā ki tark-e-ulfat ye roz-marra kī Taal kyā hai