Tags-Visaal

hamāre zehn meñ us fikr kā hai naam visāl
ki gar na ho to kahāñ jaa.eñ ho to kyūñkar ho

itnī na kiije jaane kī jaldī shab-e-visāl
dekhe haiñ maiñ ne kaam bigaḌte shitāb meñ

shab-e-visāl hai gul kar do in charāġhoñ ko
ḳhushī kī bazm meñ kyā kaam jalne vāloñ kā

visāl-o-hijr ke janjāl meñ paḌā huā huuñ
meñ arsh-e-rau kahāñ pātāl meñ paḌā huā huuñ

sab dil kī nādānī hai
kaisā firāq aur kis kā visāl

dekh le bulbul o parvāna kī betābī ko
hijr achchhā na hasīnoñ kā visāl achchhā hai

muzhda-e-jannat-e-visāl hai maut
zindagī mahshar-e-judā.ī hai

tirā visāl zarūrat hai jism-o-jāñ kī to ho
tirā ḳhayāl mire kaam kā ziyāda hai

nahīñ rahtā tafāvut jab visāl-o-hijr meñ kuchh bhī
ye manzil intizār-e-shauq meñ mushkil se aatī hai

sāñjh se ab visāl hone ko hai
sahmā sahmā thakā thakā sūraj

roza namāz tasbīh pahuñchā.eñge na vaañ tak
hogā visāl usī ko jo mā-o-man se nikle

'sālik' shab-e-visāl meñ nafrat hai jis qadar
us se ziyāda hai shab-e-furqat sahar aziiz

tirī marzī par ham raazī haiñ jo tū chāhe so ham chāheñ
ham hijr kī fikr nahīñ karte ham zikr-e-visāl nahīñ karte

maiñ vahī huuñ 'tishna'-e-bā-vafā mirā aaj bhī vahī mudda.ā
na firāq de mujhe mustaqil na mujhe hamesha visāl de

kaisā visāl kis kā firāq aur kahāñ kā ishq
thī ālam-e-javānī kī bas ye bhī ik tarañg

us but ne ek baat na maanī shab-e-visāl
lākhoñ diye ḳhudā o payambar ke vāste

tere visāl-o-hijr ga.e to gayā magar
terī shabāhatoñ ke sab āzār rah ga.e

ham apne hijr meñ apne visāl meñ gum haiñ
vo sochtā hai ki us ke ḳhayāl meñ gum haiñ

na ho bad-gumāñ mirī dād-ḳhvāhi-e-hijr se
mirī jaañ maiñ shauq-e-visāl meñ nahīñ ā.ūñgā