Tags-Visaal

vasl us se na ho visāl to ho
kahīñ qisse ko infi.āl to ho

vo kuchh rañg lā.eñge roz-e-visāl
hinā un ko dekhā hai malte hue

tire muñh chhupāte hī phir mujhe ḳhabar apnī kuchh na zarī rahī
na firāq thā na visāl thā rahī ik to be-ḳhabarī rahī

gustāḳhī-e-visāl hai mashshāta-e-niyāz
ya.anī duā ba-juz ḳham-e-zulf-e-dotā na maañg

dhaḌak rahā hai sar-e-shām hī se dil kam-baḳht
visāl-e-yār kī sub.h aa ga.ī to kyā hogā

kuchh din tire visāl ne mad.hosh kar diyā
maiñ ḳhvāhish-e-ma.āl se aage nikal ga.ī

ik lamha-e-visāl se aage nikal ga.ī
maiñ ḳhvāhishoñ ke jaal se aage nikal ga.ī

tire visāl kī ummīd yuuñ bhī TuuTī hai
ki aañkh bhar bhī nahīñ paa.e aur chhalak jaa.e

kushāda barg raheñ hijr ke ghane saa.e
tire visāl ke sahrā meñ jal rahā huuñ abhī

jo baat shart-e-visāl Thahrī vahī hai ab vaj.h-e-bad-gumānī
idhar hai is baat par ḳhamoshī udhar hai pahlī se be-zabānī

pyaar kī lū se munavvar hai shabistān-e-visāl
aaj to aan mile shaam savere dil meñ

visāl-e-dost se bhī kam na ho sakī 'rāshid'
azal se paa.ī huī tishnagī ko kyā kiije

thī jā-e-visāl manzil-e-gor
hāsil huā mudda.ā mire ba.ad

firāq rut meñ akelā manzil kī justujū meñ nikal paḌā huuñ
visāl lamhoñ ke ham-qadam vo qadam damā-dam Thahar ga.e haiñ

ek vaqfa visāl kā hai faqat
hijr kī raat kuchh nahīñ hotī

na gul-kadoñ ko mayassar na chāñd-tāroñ ko
tire visāl kī ḳhushbū tire jamāl kā rañg

sub.h-e-visāl thī to tabī.at thī baaġh baaġh
shām-e-firāq aa.ī to sañvlā ga.e haiñ ham

maiñ ki thā munkir tirā aur ab ki maiñ qaa.il khaḌā huuñ
ai visāl-e-lamha-lamha ai atā-e-āsmānī

ajiib lams kī lazzat hai merī bāñhoñ meñ
vahī maza hai jo us ḳhvāb ke visāl meñ thā

jis ne dushman samajh liyā hai hameñ
us se milnā visāl hai ab bhī