Tags-Visaal

hai dil kuuñ azm-e-chauk umīd-e-visāl par
dīvāna kā ḳhayāl hai bāzār kī taraf

magar ye baat ḳhirad kī samajh meñ aa na sakī
visāl-o-hijr se aage haiñ manzileñ dil kī

jis kī ḳhushbū se mahak jaa.e shabistān-e-visāl
dosto tum ne kabhī vo gul-e-sahrā dekhā

huuñ dāġh-e-nīm-rañgī-e-shām-e-visāl-e-yār
nūr-e-charāġh-e-bazm se josh-e-sahar hai aaj

tāl-e-bad se nayyar-e-'raḳhshāñ'
apne hī ghar meñ hai visāl hameñ

visāl-e-yār kā va.ada hai fardā-e-qayāmat par
yaqīñ mujh ko nahīñ hai gor tak apnī rasā.ī kā

yaad hai ab tak kisī ke saath ik shām-e-visāl
phir vo rāteñ jab dam-e-ruḳhsat azaañ hone lagī

pahle naved-e-vasl mirī niind le uḌī
phir nashsha-e-visāl ne sone nahīñ diyā

samajh meñ aane lagā maqsad-e-hayāt-o-mamāt
vo zāviye tire hijr o visāl ke dekhe

vo jis ke qurb se harf-e-visāl hai raushan
mire charāg jalā.e hue usī ke haiñ

ye terī ġhazleñ bayāñ nahīñ haiñ visāl-e-shab kī navāzishoñ kā
jo ho sake masnavī meñ saarā vo aks-e-kaif-e-shabāb likhnā

kabhī kabhī to lahak sā uThtā hai barq-o-bārāñ kī chashmakoñ meñ
kisī adā-e-visāl-sāmāñ kā ḳhanjar-e-be-niyām kahnā

tire firāq meñ jiye tire firāq meñ mare
chalo ye ḳhvāb hī sahī visāl kā gumāñ mile

avval ḳhudī ke ghar kuuñ ai 'dā.ūd' toḌ saT
mai-ḳhāna-e-visāl meñ tab sidh-bisār chal

paḌh na ai ham-nashīñ visāl kā sher
jis se rañgīñ ho ḳhatt-o-ḳhāl kā sher

bad-qismatoñ ko gar ho mayassar shab-e-visāl
sūraj ġhurūb hote hī zāhir ho nūr-e-sub.h

murġh-e-sahar adū na mo.azzin kī kuchh ḳhatā
'parvīñ' shab-e-visāl meñ sab hai futūr-e-sub.h

azāb-e-hijr bhī hai rāhat-e-visāl ke saath
milī to haiñ mujhe ḳhushiyāñ magar malāl ke saath

na us kā ant hai koī na isti.āra hai
ye dāstān hai hijr-o-visāl se bāhar