Tags-Visaal

vo hijrateñ hoñ, hijr ho yā qissa-e-visāl
aa phir se mere naam sabhī vāqi.āt kar

kyā dāstāñ sunā.iye us ke visāl kī
kyā tabsira kare koī sahrā kī raat par

bahut dinoñ se maiñ ḳhush-fahmī-e-visāl meñ huuñ
jo tū nahīñ to mujhe be-qarār kaun kare

ek ajab firāq se ek ajab visāl tak
apne ḳhayāl meñ chalā phir mujhe niiñd aa ga.ī

gar na thī hijr meñ ummīd-e-visāl
jiite rahne kā huā kyā baa.is

koī kahtā hai mubārak ho tujhe daur-e-firāq
maiñ samajhtā huuñ magar roz-e-visāl achchhā hai

kyā aa gayā qarīb zamāna visāl kā
kyuuñ be-qarār hai ye dil-e-zār kyā sabab

hamāre siine meñ jo rah ga.ī thī ātish-e-hijr
shab-e-visāl bhī us ko na ham-kanār kiyā

na aa.e raah pe vo ijz be-shumār kiyā
shab-e-visāl bhī maiñ ne to intizār kiyā

qābil-e-dīd haiñ visāl kī shab
ārzū-hā-e-kāmyāb ke rañg

taqrīb-e-visāl-e-yār hai kyā
kūche meñ tire safā.iyāñ haiñ

'hasan' hamārī udaas āñkheñ kisī kī āñkhoñ se kah rahī haiñ
jo ham ne tum ne kabhī bune the visāl-lamhoñ ke ḳhvāb paḌhnā

bahut girāñ hai mire shab-o-roz par ye rañg-e-visāl 'sājid'
magar vahī be-kalī hai dil kī dimāġh ko justujū vahī hai

hikāyat-e-ishq se bhī dil kā ilaaj mumkin nahīñ ki ab bhī
firāq kī talḳhiyāñ vahī haiñ visāl kī aarzū vahī hai

'farāz' ishq kī duniyā to ḳhūb-sūrat thī
ye kis ne fitna-e-hijr-o-visāl rakkhā hai

ahl-e-dil jaate haiñ ab dār-o-rasan kī raah se
is qadar mushkil visāl-e-yār pahle to na thā

mujhe shāhrāh-e-hayat par ka.ī aise ghar bhī mile 'ziyā'
jahāñ qumqume na jale kabhī na vo hijr ke na visāl ke

visāl kā ho ki us ke firāq kā mausam
vo lazzateñ thiiñ ki andar se TūTtā thā maiñ

mere aaqā tujhe bande kā ḳhayāl aa hī gayā
āḳhir-e-kār mirā yaum-e-visāl aa hī gayā