Tags-Visaal

māñgā jo bosa yaar se maiñ ne shab-e-visāl
az-ḳhud maze meñ aa ke mire kaaT khaa.e hoñTh

maiñ bhī hairān mirā dil bhī pashīmān sā hai
jism ke haath huā jab se visāl-e-duniyā

gardish vidā-e-hijr hai aur muzhda-e-visāl
gardish meñ haiñ ye shām-o-sahar jāgte raho

rakh dilā roz-o-shab umīd-e-visāl
rañj-e-furqat agar bhulānā hai

yaad dilvā ke dāstān-e-visāl
āshiq-e-zār ko rulānā hai

tire visāl kī ḳhvāhish ke tez rañgoñ se
tire firāq kī sub.heñ nikhārnā hoñgī

mahrūmī-e-visāl hai 'nāsir' mujhe qubūl
is par magar paḌe na kabhī gardishoñ kī dhuup

'riyāz' yaad hai un kā visāl meñ kahnā
ḳhudā ke vāste chhoḌo zabān suukh ga.ī

tavīl aur na kar ab visāl kī saa.at
navā-e-sub.h-e-safar mābadoñ se bāhar aa

naira.gī-e-nazar ke sivā aur kuchh nahīñ
dūd-e-firāq jalva-e-shām-e-visāl hai

phir titliyāñ sī uḌne lagīñ dasht-e-ḳhvāb meñ
phir ḳhvāhish-e-visāl hai aur chāñd-rāt hai

visāl-o-hijr ke qisse na yuuñ sunāo hameñ
ab is azāb-e-shab-o-roz se bachāo hameñ

kab us kā visāl chāhiye thā
bas ek ḳhayāl chāhiye thā

mire ishq kā ye meyār ho ki visāl bhī na shumār ho
isī e'tibār pe ho karam ki fareb meñ bhī yaqīn ho

kuchh kaTā vaqt rañj-e-dūrī meñ
kuchh ḳhayāl-e-visāl meñ guzrā

kin tazādāt meñ ghirā huuñ 'habīb'
zindagī hijr bhī visāl bhī hai

sūrat-e-sabza ārzū-e-visāl
sar-kashīda bhī pā.emāl bhī hai

jahāñ laġhzishoñ se mafar nahīñ ye vo āgahī kā maqām hai
yahāñ hast-o-būd ko bhuul jā na.ī qurbatoñ se visāl rakh

ye kyā visāl ki āḳhir mirī mohabbat par
ba-vaqt-e-marg use e.atibār aayā hai

jo atā ho visāl-e-jānāñ kī
vo udāsī kamāl kī hogī