Tags-Wada

bismiloñ se bosa-e-lab kā jo va.ada ho gayā
ḳhud-ba-ḳhud har zaḳhm kā añgūr mīThā ho gayā

jab baat vafā kī aatī hai jab manzar rañg badaltā hai
aur baat bigaḌne lagtī hai vo phir ik va.ada karte haiñ

miyān-e-va.ada koī uzr ab ke mat laanā
ki rāheñ sahal haiñ aur zaḳhm bhī khulā huā hai

aaj tak us ne nibhāyā nahīñ va.ada apnā
vo to har taur mire dil ko satānā chāhe

vaqt-e-judā.ī thā bas ye itmīnān mujh ko
achchhā huā jo koī va.ada kyā nahīñ thā

un se kuchh ye shafaq-e-shām lagā bhī aa.ī
ki shab-e-va.ada jo aa.ī to hinā bhī aa.ī

go jhuuT ho dhokā ho tasallī to hai dil ko
hotā hai qalaq aur jo va.ada nahīñ hotā

us ne va.ada nahīñ liyā mujh se
aur kahtā hai maiñ mukar rahā huuñ

gar nahīñ hai va.ada gah vo ko to kyuuñ rātoñ ko log
us ke kūche meñ añdhere aur ujāle jaate haiñ

kabhī hai aaj aur kal kabhī hai bhalā ye ahd-e-visāl kyā hai
ho va.ada iifā ki tark-e-ulfat ye roz-marra kī Taal kyā hai

us ke vādoñ se itnā to sābit huā us ko thoḌā sā pās-e-ta.alluq to hai
ye alag baat hai vo hai vāda-shikan ye bhī kuchh kam nahīñ us ne vaade kiye

muddatoñ se dil hai us kā muntazir
koī va.ada kar gayā thā ḳhvāb meñ

phir chāhe to na aanā o aan baan vaale
jhūTā hī va.ada kar le sachchī zabān vaale

va.ada bhī kiyā to kī na vafā aatā hai tumheñ charkoñ meñ mazā
chhoḌo bhī ye zid lutf is meñ hai kyā tum aur kahīñ ham aur kahīñ

koī va.ada vafā ho jaa.e shāyad
bharosa aaj bhī hai jān-e-jāñ par

va.ada hī va.ada thā na vo aa.e na ā.eñge
ai chashm-e-ārzū hai tujhe intizār kyuuñ

shām-e-va.ada aa.iye to aap us kī fikr kyā
phir banā dūñgā agar zulfeñ pareshāñ ho ga.iiñ

dekhnā hai hameñ ik va.ada-farāmosh 'siyā'
shaam tak dhuup ke sahrā meñ Thaharnā hogā

chalo vo vasl kā va.ada bhī kal-adam Thahrā
tumhāre saare bahānoñ ko le uḌī hai havā

va.ada bhī us ne soch ke karne nahīñ diyā
phir us ke ba.ad mujh ko mukarne nahīñ diyā