Tags-Wada

tirā va.ada thā va.ada rah gayā hai
hamārā sabr taktā rah gayā hai

phir kisī ne aane kā va.ada kiyā
sub.h se phir intizār-e-shām hai

tumheñ achchhī tarah pahchāntī huuñ
vafā kā mujh se tum va.ada na karnā

mukar jaa.eñ vo va.ade se mujhe bāvar nahīñ aatā
ḳhilāf-e-shān ḳhū ye husn kī ma.alūm hotī hai

na nigah ne payām ne vaada
naam ko ham bhī yaar rakhte haiñ

shab-e-vāda vo aa jaa.eñ na aa.eñ mujh ko bulvā leñ
ināyat yuuñ bhī hai aur yuuñ bhī karam yuuñ bhī hai aur yuuñ bhī

ek va.ada karo ab ham se na bichhḌoge kabhī
naaz ham saare uThā leñge tum aao to sahī

jo va.ada karte ho to sadma-e-furqat na dikhlānā
masīhā hote ho mash.hūr jī uThtā huuñ maiñ tum se

savāl-e-vasl par kuchh soch kar us ne kahā mujh se
abhī va.ada to kar sakte nahīñ haiñ ham magar dekho

jalve kā va.ada qayāmat pe kiyā thā mauqūf
aap ke hijr meñ sau baar qayāmat dekhī

dekhā jo saaya shab meñ ye samjhā nigāh ne
shāyad vo aaj aa ga.e va.ada nibāhane

fardā-e-qayāmat kā va.ada tirā pursāñ hai
ab kitnī bachīñ sāñseñ ab kitnī bachī duniyā

kabhī dāmān-e-dil par dāġh-e-māyūsī nahīñ aayā
idhar va.ada kiyā us ne udhar dil ko yaqīñ aayā

hameñ ye dukh ki vo aksar ka.ī mausam nahīñ miltā
magar milne kā vaada ham se vo har baar kartā hai

aaj va.ada vo phir nibhā.egā
vaadī o gul pe kyā ḳhumārī hai

hamesha va.ade hue taaj ke havāle se
agarche taḳht ne va.ada kabhī vafā na kiyā

phir chāhe to na aanā o ān-bān vaale
jhūTā hī va.ada kar le sachchī zabān vaale

koī aisī baat zarūr thī shab-e-va.ada vo jo na aa sakā
koī apnā vahm thā darmiyāñ yā ghaTā ne us ko Darā diyā

de kar mujhe tasallī bechain kar rahe ho
hañste ho va.ada kar ke qurbān is hañsī ke

kiyā thā ahd na va.ada na qaul ne iqrār
jo aa gayā vo mire paas shab ko nā-mālūm