English
Favourite
Favourite
UrduShayarUrduShayar
Expand menu
Sign inAccount

Tags-Wafa

shauq un kā so miT chukā 'hasrat'
kyā kareñ ham agar vafā na kareñ
Ghazal
 lutf ki un se iltija na karen
ye malāmat na suno dil kī shab-o-roz 'suhail'
jaan hī kā to ziyāñ hogā vafā kar Daalo
Ghazal
 KHair us se na sahi KHud se wafa kar Dalo
ḳhair us se na sahī ḳhud se vafā kar Daalo
vaqt ab kam hai bahut yād-e-ḳhudā kar Daalo
Ghazal
 KHair us se na sahi KHud se wafa kar Dalo
ḳhat lifāfe meñ ġhair kā niklā
us kā qāsid bhī be-vafā niklā
Ghazal
 KHat lifafe mein ghair ka nikla
hazāroñ jaan dete haiñ butoñ kī bevafā.ī par
agar un meñ se koī bā-vafā hotā to kyā hotā
Ghazal
 agar dard-e-mohabbat se na insan aashna hota
hashr ke din kyā kaheñge ye agar aayā ḳhayāl
shikva karnā yaar kā pās-e-vafā se duur hai
Ghazal
 usko aazadi na milne ka hamein maqdur hai
rāh-e-vafā dushvār bahut thī tum kyuuñ mere saath aa.e
phuul sā chehra kumhlāyā aur rañg-e-hinā pāmāl huā
Ghazal
 athar tumne ishq kiya kuchh tum bhi kaho kya haal hua
rāh-e-vafā meñ jaañ denā hī pesh-ravoñ kā sheva thā
ham ne jab se jiinā sīkhā jiinā kār-e-misāl huā
Ghazal
 athar tumne ishq kiya kuchh tum bhi kaho kya haal hua
ḳhuddārī-e-junūñ meñ in āñkhoñ ne tere ba.ad
ashkoñ ko bhī vafā ke munāfī samajh liyā
Ghazal
 jaan ke ziyan ko gham ki talafi samajh liya
kis ko ma.alūm thā ki ahd-e-vafā
is qadar jald TuuT jā.egā
Qita
 kis ko malum tha ki ahd-e-wafa
un se rakhiye na kisī mehr-o-vafā kī ummīd
ye to aise haiñ ki sūraj ko syāhī deñge
Ghazal
 raushni subh ki ya shab ki syahi denge
itr meñ kapḌe basā kar mutma.in hai kis liye
bā-vafā hū jā ki yuuñ bū-e-vafā bhī aa.egī
Ghazal
 kanch ki zanjir TuTi to sada bhi aaegi
hurūf-e-makr tire lab pe the magar zālim
mujhe fareb bhī khānā vafā kī raah meñ thā
Ghazal
 ghariq-e-zikr-e-KHuda din ko KHanqah mein tha
maiñ to is kī justujū meñ thā guzar aayā magar
dasht-e-māzī der tak bū-e-vafā detā rahā
Ghazal
 tha bahut be-dard lekin hausla deta raha
so ek roz kyā huā
vafā pe bahs chhiḌ ga.ī
Nazm
 bhali si ek shakl thi
tujhe jo zaḳhm de tū us ko phuul de 'dāna'
yahī usūl-e-vafā tere ḳhāndān meñ hai
Ghazal
 mera KHulus abhi saKHt imtihan mein hai
khīñchī thī tum ne hadd-e-vafā kī jahāñ lakīr
ham hasrateñ tamām vahāñ chhoḌ aa.e haiñ
Ghazal
 kya kya na dosti ke janaze uThae hain
jis kī ḳhushbū se mo.attar haiñ vafā kī rāheñ
mere siine meñ vo zaḳhmoñ kā chaman hai kyuuñ hai
Ghazal
 ishq ki rah mein jo dar-o-rasan hai kyun hai
pashemānī ke ba.ad us ko girā.ūñ kaise nazroñ se
ki jab vo bevafā thā mere dil se tab nahīñ utrā
Ghazal
 faraaz-e-be-KHudi se tera tishna-lab nahin utra
maiñ ne bhejī thī gulāboñ kī bashārat us ko
tohfatan us ne bhī ḳhushbu-e-vafā bhejī hai
Ghazal
 sans lene ke liye taza hawa bheji hai
Top Urdushayar.com